Саха АССР тэриллибитэ 100 сылыгар, уһулуччулаах судаарыстыбаннай диэйэтэл М.К.Аммосов төрөөбүтэ 125 сылыгар уонна СӨ бастакы бэрэсидьиэнэ М.Е.Николаев 85 сааһыгар ананар “XX үйэҕэ Саха сирин устуоруйата” өрөспүүбүлүкэтээҕи научнай-практическай кэмпириэнсийэҕэ кыттарга сайаапкалары хомуйуу саҕаланна.
Суолталаах тэрээһин өрөспүүбүлүкэ сайдыытыгар сабыдыаллаабыт XX үйэ устуоруйатын үөрэтэр уонна түмүктүүр, саҥа төрүөттэри булар итиэннэ эрэгийиэн саҥа устуоруйатыгар “үрүҥ бээтинэлэри” суох оҥорор, устуоруйа өйдөбүлүн, кыраайбыт уһулуччулаах диэйэтэллэрин аатын үйэтитэр соруктаах ыытыллар.
Кэмпириэнсийэҕэ өрөспүүбүлүкэ 4-11 кылааһын үөрэнээччилэрэ кыттыахтарын сөп. Үлэ хайысхалара: “Саха сирэ XX үйэ саҕаланыыта”, “Саха сиригэр өрөбөлүүссүйэ түгэннэрэ уонна гражданскай сэрии”, “Өрөспүүбүлүкэ тыатын хаһаайыстыбатын устуоруйата”, “Саха сиригэр бырамыысыланнас, тутуу, тырааныспар сайдыытын устуоруйата”, “XX үйэҕэ өрөспүүбүлүкэҕэ култуура сайдыыта”, “XX үйэҕэ өрөспүүбүлүкэҕэ билим уонна үөрэх сайдыыта”, “Саха сирэ Аҕа дойду Улуу сэриитин сылларыгар”, “Саха сирин устуоруйатыгар уһулуччулаах дьон”. Кэмпириэнсийэ нууччалыы, сахалыы тылынан барар.
Кэмпириэнсийэҕэ кыттыыга сайаапканы 2022 сыл сэтинньи 1 күнүгэр диэри konf.hist.yak@mail.ru эл. аадырыска ылаллар. Дакылааттары, презентациялары konf.hist.yak@mail.ru эл. аадырыска ыытар ирдэнэр. Үлэлэри ылыы 2022 сыл сэтинньи 25 күнүнэн түмүктэнэр.
Финалистар бэйэлэрин дакылааттарын 2022 сыл ахсынньы 1-2 күннэригэр олоҕурбут (очно) уонна кэтэхтэн көрүҥүнэн ыытыллар тэрээһиҥҥэ ааҕыахтара. Кыайыылаахтарга дьупулуомнары уонна бэлэхтэри – бэлэххэ барар справочнай-энциклопедическай таһаарыылары туттарыахтара. Бастыҥ үлэлэри “Инникигэ хардыы” научнай-практическай кэмпириэнсийэҕэ кыттарга мэктиэлиэхтэрэ.
Сиһилии 8-962-733-09-72 (Марианна Грязнухина) ыйыталаһыҥ.
Владимир Балынец дойду паралимпийскай сүүмэрдэммит хамаандатын састаабыгар киирэн, пауэрлифтиҥҥэ аан дойду чөмпүйэнээтин үрүҥ көмүс мэтээлин…
Бу күннэргэ Ньурба олохтооҕо, история учуутала Галина Копылова дьиэтигэр гранат диэн экзотическай фруктаны үүннэрбитин хаартыскалара…
Бырабыыталыстыба бэрэссэдээтэлин солбуйааччы – Бэрэсидьиэн Уһук Илиҥҥэ боломуочуйалаах бэрэстэбиитэлэ Юрий Трутнев ыыппыт Уһук Илин социальнай-экэнэмиичэскэй…
СӨ Ил Дархана РФ Бэрэсидьиэнэ бырабыыталыстыба чилиэттэрин кытта ыыппыт сүбэ мунньаҕар кытынна. Мунньахха суол инфраструктуратын…
Саха сиринээҕи Суут бириистэптэрин сулууспатыгар Бүлүү олохтооҕо юридическай сирэйгэ хоромньуну толуйууга дьыалата киирбит. Бу туһунан…
Горнай улууһун Солоҕон сэлиэнньэтигэр салгыы ууһатарга Ленинградскай уобалас Бугры дэриэбинэтиттэн 13 төбө айрширскай боруодалаах ынах…