Саха сирин үөрэнээччитэ Мирон Потапов «Спроси строителя» Арассыыйатааҕы куонкуруска кыайда

Тутааччы күнүн көрсө РФ Тутууга уонна ОДьКХ министиэристибэтигэр ахсыс төгүлүн ыытыллыбыт  «Спроси строителя -2025» куонкурус түмүгүн таһаардылар. Кыайыылаахтар истэригэр Саха сириттэн Мирон Потапов баар диэн СӨ Ил Дарханын уонна Бырабыыталыстыбатын дьаһалтатын пресс-сулууспата иһитиннэрэр.

Мирон номнуо өрөспүүбүлүкэҕэ тутуу эйгэтигэр биллэр киһинэн буолар. Кини ирбэт тоҥҥо сыбаайалары туруоруу уратыларын туһунан наeчнай үлэни суруйбута уонна Саха сирин уустук климатын үөрэтэр. Быйыл вулкан анныгар тутууну ыытыы туһунан ыйытыыны биэрэн, дьүүллүүр сүбэ болҕомтотун ылла. Кини ыйытыыта маннык диэн:  «Жил-был вулкан, но тут пришли строители и решили стройку на сваях замутить. Позвали они Экспертизу и спросили у неё, можно ли им эту стройку сделать у вулкана? А я хочу об этом спросить у строителей России».

«Мин Тутааччы күнүн бырааһынньыгыттан олус астынным! Биһигини «Президент» отельга үөрэ-көтө көрүстүлэр. «Кидбурга» сылдьаммын, полицейскай, стоматолог уонна курьер буола оонньообуппун хаһан даҕаны умнуом суоҕа. Арассыыйа тутууга миниистирэ Ирек Файзуллины кытта көрсүбүтүм миэхэ улахан чиэс буолла. Түгэнинэн туһанан, Саха сирин тутааччыларын бырааһынньыгынан эҕэрдэлиибин!», — диир Мирон Потапов.

Сиһилии: https://www.sakha.gov.ru/news/9602