Хаартыска: www.sakha.gov.ru
Арктика оскуолатын 11 кылааһын үөрэнээччитэ Дарина Данилова обществознаниеҕа Бүтүн Арассыыйатааҕы олимпиада түмүктүүр түһүмэҕэр дойду бастыҥ үөрэнээччилэрин ахсааныгар киирдэ.
Даринаны уонна кини учууталын Андрей Анатольевич Школьниковы Ил Дархан Айсен Николаев эҕэрдэлээтэ.
“Бу чаҕылхай түмүк улахан үлэттэн тахсар. Тус сыалы тутуһуу уонна ситиһиигэ эрэл баар. Даринаҕа уонна кини уһуйааччытыгар Андрей Анатольевич Школьниковка өрөспүүбүлүкэ аатын дьоһуннаахтык ааттаппыккыт иһин махтанабын! Эҕэрдэлиибин! Саҥа дабайыыларга ситиһиини! Саха сирэ киэн туттар!” – диэн Айсен Николаев бэйэтин телеграм-ханаалыгар суруйар.
Дарина – туйгун үөрэнээччи, кыһыл көмүс мэтээлгэ суоттанар. Арктика оскуолатыгар 7 кылаастан, бу оскуола аһыллыаҕыттан үөрэнэр. Кини Оҕо ускуустубатын оскуолатын уус-уран кылааһын бүтэрбитэ, ону тэҥэ, нуучча тылыгар олимпиадаларга кыттыбыта. Обществознаниеҕа Бүтүн Арассыыйатааҕы олимпиада түмүктүүр түһүмэҕэр иккис төгүлүн кытынна.
Арассыыйа араас муннугуттан 400 кэриҥэ үөрэнээччи кытыылаах түмүктүүр түһүмэх кулун тутар 21-28 күннэригэр Екатеринбург куоракка буолан ааста. Үс түһүмэҕинэн ыытылынна: икки суругунан уонна биир тылынан.
Суругунан түһүмэххэ кыттааччылар обществоведение дьиссиппилиинэлэрин араас ыйытыыларыгар хоруйдаатылар. Тылынан түһүмэххэ тэрийээччилэр биэрбит тиэмэлэригэр сэттэ мүнүүтэлээх тыл этиитин бэлэмнээбиттэр.
Бүтүн Арассыыйатааҕы олимпиада 24 биридимиэтигэр сыллата дойду 7 мөлүйүөн кэриҥэ үөрэнээччитэ кыттар итиэннэ түөрт түһүмэҕинэн барар: оскуола иһинээҕи, улуустааҕы, эрэгийиэннээҕи уонна түмүктүүр.
Кыайыылаах уонна призер дьупулуомунан түөрт сыл устата оскуоланы бүтэрээччилэр дойду инники күөҥҥэ сылдьар үрдүк үөрэхтэрин кыһаларыгар сөп түбэһэр хайысхаларыгар тургутуута суох үөрэххэ киирэр кыахтаахтар. Бу туһунан Ил Дархан уонна Бырабыыталыстыба пресс-сулууспата суруйар.
Бүгүн, ахсынньы 16 күнүгэр, Дьокуускайга 1–8-с кылаас үөрэнээччилэригэр актированнай күн биллэрилиннэ. Бу туһунан киин куорат…
Cаха сирин синоптиктарын билгэлэринэн бүгүн, ахсынньы 16 күнүгэр, хоту оройуоннарынан хаардыыр. Эдьигээн улууһугар сөкүүндэҕэ 9-14…
Бүгүн Дьокуускайга «Патриот» ыччат киинин үөрүүлээх аһыллыыта буолан ааста. Бу аныгы кэм ыччатын сайдар, үүнэр,…
Бүгүн Саха сиригэр бастакы Уһук Илиҥҥэ биир бөдөҥ элбэх функциялаах «Патриот» ыччат киинэ үөрүүлээх быһыыга-майгыга…
Бүгүн Саха сиригэр бастакы элбэх функциялаах «Патриот» ыччат киинэ аһылынна. Бу киин Уһук Илиҥҥэ биир…
СӨ Бырабыыталыстыбатын Бэрэссэдээтэлин бастакы солбуйааччы Дмитрий Садовников ыксаллаах быһыыга-майыга түбэспит дьону көрдүүр-быыһыыр үлэлэр статистикаларын туһунан…