Саха сирин үгүс өттүгэр быстах ардах, хоту инчэҕэй хаар түһэрэ күүтүллэр

Бүгүн, бэс ыйын 27 күнүгэр, Саха сирин үгүс өттүгэр күнү-дьылы кэтээн көрөөччүлэр  быстах ардах, хоту инчэҕэй хаар түһэрин уонна түүн хотугу улуустарга -4°С  кыраадыска диэри тымныйарын билгэлииллэр.

Өрөспүүбүлүкэҕэ киин улуустарга, Өлүөнэ өрүс алын тардыытынан кыралаан ардыыр, хотугулуу-илин, Халымаҕа быстах ардах, сорох сиринэн этиҥнээх ардах, Халымаҕа түүн дохсун самыыр түһэрэ сылыктанар.

Сөкүүндэҕэ  9-14 м/с түргэннээх тыаллаах, этиҥнээх ардахха сөкүүндэҕэ 15-20 м/с күүстээх ардах түһүөҕэ. Арктика оройуоннарынан уонна Усуйаанаҕа кыратык ардыыр, ардыгар инчэҕэй хаар түһэрэ күүтүллэр.

Салгын температурата +8+13°С, арҕаа +12+17°С, сорох сиринэн Үөһээ Дьааҥыга -4°С кыраадыс тымныйар, күнүс +12+17°С, арҕаа +22+27°С, соҕуруулуу-арҕаа +27+32°С, хотугулуу-илин +7+12°С кыраадыс сылаас.

Дьокуускайга түүн сөҥүүтэ суох, күнүс кыратык ардыыр, хотугулуу-арҕааттан  сөкүүндэҕэ 4-9 м/с түргэннээх тыаллаах, күнүс сөкүүндэҕэ 15-17 м/с түргэннээх күүстээх тыалырыа. Салгын температурата  түүн +10+12°С, күнүс +18+20°С кыраадыс сылаас.