Саха сирин үгүс өттүгэр кыралаан ардах түһүөҕэ

Нэдиэлэ бастакы күнүгэр Саха сиригэр кыралаан ардыаҕа, сорох сиринэн этиҥнээх ардах түһүөҕэ.

Өрөспүүбүлүкэҕэ соҕуруу, соҕуруулуу-арҕаа, сорох сиринэн арҕаа кыралаан ардыаҕа диэн күнү-дьылы кэтээн көрөөччүлэр сылыктыыллар, атын улуустарга этиҥнээх ардах, илин күүстээх ардах түһэрэ күүтүллэр. Этиҥнээх ардахха сөкүүндэҕэ 17-22 м/с түргэннээх тыалырыа.

Салгын температурата түүн +3,+8°С, хотугулуу-арҕаа +9,+14°С, Өймөкөөҥҥө 0,-5°С, күнүс +22,+27°С, соҕуруулуу-арҕаа +17,+22°С, соҕуруулуу-илин +10,+15°С кыраадыс сылаас.

Дьокуускайга сөҥүүтэ суох, хотугулуу-илинтэн сөкүүндэҕэ 5-10 м/с түргэннээх тыаллаах. Салгын температурата түүн +6,+8°С, күнүс +22,+24°С кыраадыс сылаас.