Саха сирин үгүс өттүгэр тымныйыа

Сарсын, тохсунньу 21 күнүгэр, Саха сирин үгүс өттүгэр тымныйыа диэн күнү-дьылы кэтээн көрөр сулууспа иһитиннэрэр.

Бүгүн Дьокуускай куоракка -38-40 кыраадыс, миэстэтинэн туманнаах, сөкүүндэҕэ 1-3 миэтэрэҕэ диэри түргэннээх хотугулуу-арҕааттан кыра тыаллаах буоллаҕына, сарсын -45-47, хойуу туманнаах буолара күүтүллэр.

Тохсунньу 21-22 күннэригэр Саха сирин арҕаа өттүгэр уонна Халымаҕа кыратык хаардыаҕа, киин өттүгэр туманнаах буолуоҕа. Тохсунньу 22 күнүгэр Саха сирин киин уонна хоту өттүгэр кыратык хаардыаҕа, арҕаа уонна соҕуруу миэстэтинэн ортотук хаардыаҕа, арҕаа диэки сөкүүндэҕэ 9-14 миэтэрэҕэ диэри тыалырдаҕына – тибии түһүөҕэ. Анаабыр, Булуҥ оройуоннарыгар сорох сиринэн сөкүүндэҕэ 19-24 миэтэрэҕэ диэри тыаллаах буоллаҕына, силлиэ-буурҕа түһүөҕэ. Тохсунньу 21 күнүгэр түүн уонна 22 чыыһылаҕа сорох сиринэн сөкүүндэҕэ 22-30 миэтэрэҕэ диэри сиккиэр тыал түһүө.

Хотугулуу-илин салгын температурата түүнүн -45-50°, хотоол сирдэринэн -51-56°, күнүһүн -42-47°, хотооллорго 47-52°, оттон Халымаҕа -33-38° буолуоҕа. Саха сирин киин өттүгэр түүнүн ортотунан -43-48°, хаардаатаҕаны -38-43°, күнүһүн -40-45° буолуоҕа. Тохсунньу 22 күнүгэр -33-38° буолара сабаҕаланар.
Өрөспүүбүлүкэ арҕаа өттүгэр түүнүн -30-35°, тохсунньу 21 күнүгэр -35-40°, тохсунньу 22 күнүгэр -25-30°, соҕуруулуу-арҕаа -20-25° тиийиэҕэ. Оттон күнүһүн -28-33°, сорох сиринэн -18-23°, тохсунньу 22 күнүгэр — 8-13° күүтүллэр.