“Надежда” үҥкүү-успуорт кулуубун эдэр спортсменнара, А.Г. уонна Н.К. Чиряевтар ааттарынан Дьокуускай куораттааҕы национальнай гимназия алын кылааһын үөрэнээччилэрэ Санкт-Петербург куораттан “Саҥа саҕалааччылар” кылаастарын араас категориятын мэтээллэрин уонна кубоктарын аҕаллылар. Сорох оҕолорго бу бэстибээл үрдүк таһымнаах бастакы күрэхтэһиинэн буолар.
Кыайыылаахтарбыт ааттара бу бааллар: Сайнаара Николаева “Саҥа саҕалааччылар” кылаастарыгар 2 категорияҕа 1 миэстэни ылла.
Люба Соловьева “Саҥа саҕалааччылар” кылаастарыгар 5 категорияҕа кыһыл көмүс мэтээллэри, “Королева Латины” кубогар 4 миэстэлээх, “Ча-ча-ча” кубогыттан боруонса мэтээли аҕалла, “Медленный вальс” кубокка 1 миэстэни ылла.
“Саҥа саҕалааччылар” кылаастарын 3 категориятыгар 1 миэстэни Айталы Васильева ситистэ. Ону тэҥэ, кини “Медленный вальс” кубокка 2 миэстэлээх, “Ча-ча-ча” кубокка 5 миэстэлээх, Латинаҕа – 6 миэстэлээх.
Сергей Коротких түмүгэ: Король Латины, соло – 1 миэстэ, соло, «Медленный вальс», «Ча-ча-ча» кубоктарга, соло – 3 миэстэ, Н2+полька уонна «Ча-ча-ча» кубок пааранан – 1 миэстэ, Кубок «Медленный вальс» уонна «Жемчужная пара» кубоктарга пааранан 3 миэстэ.
Айсена Попова эмиэ чаҕылхайдык кытынна: «Ча-ча-ча» кубокка, Н3, H2+Polka (H класс), Соло Н2+Polka (H класс), Соло Н3 (H класс) – 1 миэстэ, «Жемчужная пара», «Медленный вальс» кубоктарга пааранан 3 миэстэ.
Сандаара Максимова чаҕылхай түмүгү көрдөрдө: «Саҥа саҕалааччылар» кылаас 5 категориятыгар 1 миэстэ, «Ча-Ча» кубокка 2 миэстэ, «Королева Латины» кубокка 3 миэстэ, «Медленный вальс» кубокка 5 миэстэ.
«Надежда» кулууп салайааччыта Надежда Константинова оҕолору тус бэйэтинэн арыаллаата, өйөөтө: “Биһиги оҕолорбут олус кыһаннылар, бэйэ-бэйэлэрин өйөөтүлэр. Оҕолор үҥкүүлүүр уопуттара баара-суоҕа 1-3 сыл. Кыайыыга эрэ суоттанан барбыттара. Кыттааччы олус элбэх, хас биирдии категорияҕа күүстээх оҕолор бааллар. “Король латины” номинацияҕа маҥнайгы кылаас үөрэнээччитэ Сережа Коротких бастыыры ситистэ”, — диэн этэр.
Саха Өрөспүүбүлүкэтин Үҥүү успуордун сойууһун салайааччыта Людмила Николаева үҥкүүһүттэргэ ханнык баҕарар күрэхтэһии суолталааҕын бэлиэтиир уонна турнирдарга кыталларын биһириир.
Саҥа саҕалыыр спортсменнарбыт бу улахан ситиһиилэринэн эҕэрдэлиибит!
Гражданскай оборуона дьыалаларыгар уонна нэһилиэнньэ олоҕор куттала суох буолуутун хааччыйыы миниистирин собуйааччы Яна Наумова киэһээҥҥи…
Күннээҕи олоҕу кытта тэҥҥэ хардыылыыр дьон түөкүттэр бааллар эбит. Аны оскуоланы бүтэрээри сылдьар оҕолорго үрдүк…
Ырыа күнүгэр аналлаах кэнсиэртэр оптуорунньукка, ыам ыйын 21 күнүгэр, Саха сирин бары куораттарыгар уонна сэлиэнньэлэригэр…
СӨ Ил Дархана Айсен Николаев Нам улууһугар оробуочай сырыытын чэрчитинэн, Хатырык олохтоохторун кытары көрсүһүү тэрийэн…
Өлүөхүмэ, Нам улуустарыгар халаан уутун содулун көрөн, киһи долгуйар, хараастар. Онон дьон-сэргэ уталыппакка эмсэҕэлээбиттэргэ бэйэтин…
Бу туһунан Саха сирин бырабыыталыстыбатын Бэрэссэдээтэлин солбуйааччы Анатолий Семенов иһитиннэрдэ. Нам улууһугар халаан уутуттан үөрэх…