Саха сирин үрдүнэн түүҥҥү халлааҥҥа дьүкээбил күлүмнээтэ
02.01.2025, 10:35
Хаартыска: социальнай ситимнэртэн
Бөлөххө киир:
Саха сирин үрдүнэн тохсунньу 1-2 күннэрин түүнүгэр дьүкээбил күлүмнээтэ. Өрөспүүбүлүкэ олохтоохторо социальнай ситимнэринэн бу түгэни хаартыскаҕа түһэрэн үллэһиннилэр.
Бу кэмҥэ дьүкээбил суһумнуу тыгар түгэнэ Саха сиригэр балайда тарҕаммыт көстүүнэн буолар. Хаартыскалары Өймөкөөн уонна Бүлүү олохтоохторо тарҕаттылар.
Бу — магнитнай буурҕа буолбутун туоһута. Ахсынньы 31 күнүгэр Күҥҥэ улахан эстиилэр буолбуттара, ол магнитнай долгуна 1-2 күнүнэн Сиргэ кэлэр.
Учуонайдар этэллэринэн, билигин Күн актыыбынаһа үрдээн, эстиилэр элбээбиттэр. Ыйга иккитэ-үстэ магнитнай буурҕалар түһэр буоллулар. Ол эрээри, барыта эргийэн кэлэ турарыныы, сотору намырыыр, уҕарыйар аналлаах.
+1
11
+1
+1
+1
1
+1
1
+1
+1
Сообщить об опечатке
Текст, который будет отправлен нашим редакторам: