Хаартыска: СИА
Икки күн устата Мэҥэ Хаҥалас уонна Амма оройуоннарыгар кураанах оту өртөөһүн үс түбэлтэтэ бэлиэтэммит.
Төһө да сокуонунан өртөөһүн бобуллубутун үрдүнэн, олохтоохтор кураанах оту уотууллар уонна баһаар тахсарын үөскэтэллэр. Бу туһунан СӨ Тыатын хаһаайыстыбатын министиэристибэтэ иһитиннэрэр.
Ыам ыйын 3 күнүгэр Мэҥэ Хаҥалас Хаптаҕай сэлиэнньэтин олохтооҕо Хоту арыы диэн сиргэ кураанах оту уоттаабыт. Түмүгэр уот 6 гектар сири сиэбит. Уоту умуруорууга 11 киһи кыттыбыт уонна анал тиэхиньикэ туһаныллыбыт.
Ыам ыйын 4 күнүгэр Хаптаҕай нэһилиэгэр (Мэҥэ- Хаҥалас улууһа) Орочой нэһилиэгин олохтооҕо мас кэрдибит сиригэр талаҕы уоттаабыт. Түмүгэр күүстээх тыалтан уот тарҕаммыт. Уоту умуруорууга ыарахан уйуктаах тиэхиньикэ туһаныллыбыт.
Ыам ыйын 4 күнүгэр Амма оройуонугар өссө биир түбэлтэ бэлиэтэммит. Олом Күөл сэлиэнньэтин олохтооҕо Араҥас Үрэҕэ сиргэ 3 гектар сири уоттаабыт. Баһаары суһаллык тохтоппуттар.
Бары буруйу оҥорооччулар административнай эппиэтинэскэ тардылыннылар уонна уоту умуруорууга ыытыллыбыт ороскуоту толуйар эбээһинэстэннилэр.
СӨ тыатын хаһаайыстыбатын министиэристибэтэ Саха сиригэр өртөөһүн бобуулааҕын санатар.
Өлүөнэни туоратар муостаны тутуу бигэргэммит кыраапыгынан ыытыллар. Генеральнай бэдэрээтчит уонна бэдэрээтчит тутар-таҥар үлэ комплексын хааччыйаллар.…
“Саха сирэ – Дьоруойдар дойдулара” – билиини уонна уопуту туһанарга уочараттаах хардыы, диир байыаннай дьайыы…
“Саха “ГТРК “Быһа биэрии” биэриитин эпииригэр Айсен Николаев буолан ааспыт олохтоох салайыныы уорганнарын түмүгүн туһунан…
Быйыл сайын Эбээн Бытантай улууһун Дьарҕаалааҕар от үүнүүтэ мөлтөҕүн да иһин, сүөһүлээх-астаах тыа ыаллара сыл…
Бу күннэргэ Өймөкөөн улууһугар толору оту тиэммит массыыналар "Халыма" федеральнай айан суолунан Өймөкөөн улууһун туһаайыытын…
Саха Өрөспүүбүлүкэтин Ил Дархана Айсен Николаев “Россия24” телеханаалга “Быһа кэпсэтии” бырагыраама эпииригэр Дьокуускайга тырааныспар ситимин…