Саха сирин үс улууһугар искусственнай ардаҕы түһэриэхтэрэ

Киин аэрологическай обсерватория Як-40 зондировщик-сөмөлүөтэ бүгүн, бээтинсэҕэ, Хаҥалас, Мэҥэ Хаҥалас уонна Уус Маайа оройуоннарыгар көттө.

Искусственнай ардаҕы түһэрии ойуурга баһаары аччатыы сыаллаах ыытыллар. Ыам ыйын 18 күнүгэр көтөн кэлбит ЯК-40 Дьокуускай, Хаҥалас, Сунтаар, Өлүөхүмэ, Нерюнгри уонна атын улуустарга көтө сылдьыбыта. Көтөр ааллар 100 чаас көтүөхтээхтэриттэн 19 чааһын тутуннулар.

Быйыл өрөспүүбүлүкэҕэ икки зондировщик кэлэн үлэлии сылдьар. Искусственнай сөҥүүнү сөмөлүөт анал пиро-ботуруонун көмөтүнэн “ыҥыраллар”. Күн-дьыл туругун синоптиктар биллэрэ тураллар. Иккис Ан-26 сөмөлүөт «Полярнай авиалиинийэлэр» хампаанньа  суотугар оҥоһулунна.