Ил Дархан, бырабыыталыстыба дьаһалтатын пресс-сулууспата.
Саха сиригэр олохтоох кэсмиэтикэни оҥорон таһаарар буолуохтара. «Север: территория устойчивого развития» научнай-үөрэтэр киин «Забота Арктики» диэн бренд оҥорон, саха кэсмиэтикэтин тарҕатыаҕа. Бренд оҥоһуллуутугар саха култууратын кытта ситимнээх сыаннастары туһаныахтара.
«Север» киин 2023 сыл түмүгүнэн биотехнологияҕа научнай үлэтин күүһүрдэр туһунан быһаарыныы ылыммыттара.
«Забота Арктики» бренд төрүттээччитэ Денис Савостин этэринэн, Саха сиригэр үүммүт үүнээйилэртэн ураты кэсмиэтикэни оҥорор туһунан идиэйэ киириэҕиттэн, үлэ саҕаламмыт. Бырайыак олоххо киирэригэр Арассыыйатааҕы Наука академиятын Сибиирдээҕи салаатын Дьокуускайдааҕы научнай киинэ көмөлөһөр.
— Бородууксуйабытыгар аан бастаан баттах суунар шампунь, кондиционер уонна лабыктаттан флюид оҥоһулунна. Бу кэсмиэтикэнэн бэйэбит эмиэ туһанабыт. Саха сирин учуонайдарын научнай үлэлэринэн, Саха сиригэр эрэ үүнэр үүнээйилэри туһанан, ураты бородууксуйа оҥоһуллар. Маны тэҥэ, тириини көрүүгэ-харайыыга туһуламмыт кэсмиэтикэ лииньийэтэ тахсыаҕа. Биһиги Арассыыйаҕа эрэ буолбакка, атын дойдуларга эмиэ тахсан атыылыырга былааннанабыт, — диэн «Забота Арктики» хампаанньа генеральнай дириэктэрэ Лиана Козина кэпсээтэ.
Билигин бородууксуйа чинчийэн көрүү түһүмэҕэр сылдьар. Сыл аҥаарынан бастакы бородууксуйаны атыыга таһаарыахтара.
«Север» научнай-үөрэтэр киин 23 научнай тэрилтэни, 13 университеты, 32 хампаанньаны түмэр. Уһук Илин биэс эрэгийиэнэ бииргэ үлэлэһэр. Кииҥҥэ 9 технологическай бырайыак уонна 21 инфраструктурнай бырайыак үлэлиир. Икки аҥаар сыл устата «Север» киин резиденнэрэ 125 технологияны оҥорон таһаардылар, 290 саҥаны айан патеннаатылар.
Ил Дархан, бырабыыталыстыба дьаһалтатын пресс-сулууспата.
Ил Дархан Айсен Николаев өрөспүүбүлүкэ терроризмы утары охсуһар хамыыһыйатын уонна суһал ыстаап холбоһуктаах мунньаҕын ыытта.…
Виктория Семенова унтуу тикпитэ сүүрбэччэ сыл буолбут. Бэйэтэ этэринэн, бу сыллар тухары 50 тыһыынчаттан тахса унтууну…
Бырабыыталыстыба бэрэссэдээтэлин солбуйааччы Георгий Степанов салайааччылаах өрөспүүбүлүкэ социальнай салаатын салайааччылара сыл аайы ыытыллар «Үтүө санаа…
Амматааҕы полиция дьуһуурунай чааһыгар олохтоох киһи массыынатын уоттуу сатаабыттарын туһунан иһитиннэрбит. Эр киһи быһаарбытынан, дьиэтин…
Дьокуускай куорат мээрэ Евгений Григорьев пресс-кэмпириэнсийэ кэмигэр суруналыыстар киин куоракка сылы эргиччи үлэлиир итии былаһааккалары…
Төрөөбүт тыллары харыстыыр уонна сайыннарар судаарыстыбаннай бырагыраама чэрчитинэн, 2026 сылтан саҕалаан, муниципальнай бибилэтиэкэлэргэ оҕо төрөөбүт…