Антонина Дормидонтова «Antuar» хампаанньатын косметиката Л’Этуаль федеральнай ситимин интэриниэт нөҥүө атыылыыр былаһааккатыгар (маркетплейс) аан бастаан билиһиннэриллиэҕэ.
Саха сирин бу хампаанньатын бородууксуйатын састаабыгар кытыан сибэккилээх уута туттуллар.
Косметиканы оҥорооччулар эмтээх оттору оҥоруу бастакы түһүмэҕин — гидролаты туһаммыттар. Гидролаттары уонна эпиирдээх арыылары тута шампуннарга, кондиционердарга эбэтэр кириэмнэргэ эбиэххэ сөп. Онон косметиканы оҥорооччулар Саха сиригэр үүнэр кытыаны талбыттар. Ол төрүөтүнэн Саха сиригэр үүнэр кытыаны сылы быһа (кыһын эмиэ) хомуйуохха сөбө, онон оҥорон таһаарыы атахтаммата болҕомтоҕо ылыллыбыт. Кытыан сибэккилээх уутугар бактыарыйаларга уонна вирустарга дьайар элбэх битэмиин уонна флавоноидтар бааллар.
Санатан эттэххэ, Саха сирин хампаанньатын аан бастаан 2021 сыллаахха Москваҕа Intercharm парфюмерия-косметика салаатын аан дойдутааҕы быыстапкатыгар болҕомтоҕо ылбыттара.
«Antuar» хампаанньаны төрүттээччи Антонина Дормидонтова маннык кэпсиир:
-Быыстапкаҕа элбэх киһи сөхпүтүн-махтайбытын биллэрбитэ. Бэл, бородууксуйабытын атыылаһыахтарын баҕарбыттара. Ол гынан баран: «Дьокуускай олус ыраах сытар, оттон эһиги оҥорор бородууксуйаҕыт биир ыйынан эрэ кэлиэҕэ. Онон, ханна эмэ Москва таһыгар үлэлээҥ», – диэбиттэрэ. Ол иһин, мин биисинэскэ сыһыаммын хос толкуйдаан көрбүтүм. Онон, быйыл быыстапкаҕа эмиэ кытынныбыт. Олох алҕаска талыллыбыппыт. Кырдьыгынан эттэххэ, мин улаханнык итэҕэйбэтэҕим даҕаны. Тэрийээччилэр биһигини бэйэлэрэ үбүлээн ыҥырбыттарыттан олус соһуйбуппут. Биллэн турар, сөбүлэспиппит. Тоҕо диэтэххэ, маннык бэриллибит кыахтан аҥкаастаныллыбат. Итинник кыах үөһээттэн бэрилиннэҕэ. Быыстапка иккис күнүгэр биһиэхэ Л’Этуаль бэрэстэбиитэллэрэ кэлэн, биһиги хантаактарбытын көрдөөн ылбыттара. Бу күн бииргэ үлэлиир туһунан этиилээх эрийбиттэрэ. Бастаан түөкүттэр эрийэллэр быһыылаах диэн өй көтөн түспүтэ. Онтон хойутуу соҕус биһиги бородууксуйабытын Л’Этуаль маркетплейсыгар киллэрэллэрин туһунан докумуоннар кэлбиттэрэ.
Соторутааҕыта бииргэ үлэлэһэр туһунан дуогабарга илии баттастылар. Атыыга бэлэххэ аналлаах нобуордары уонна бокстары, ону сэргэ илиинэн үлэ аксессуардарын бэлэмнээтилэр.
Саха сирин бородууксуйатын билиһиннэрэр «Antuar» хампаанньаҕа ситиһиини баҕарыаҕыҥ.
Бырабыыталыстыба бэрэссэдээтэлин солбуйааччы Георгий Степанов салайааччылаах өрөспүүбүлүкэ социальнай салаатын салайааччылара сыл аайы ыытыллар «Үтүө санаа…
Амматааҕы полиция дьуһуурунай чааһыгар олохтоох киһи массыынатын уоттуу сатаабыттарын туһунан иһитиннэрбит. Эр киһи быһаарбытынан, дьиэтин…
Дьокуускай куорат мээрэ Евгений Григорьев пресс-кэмпириэнсийэ кэмигэр суруналыыстар киин куоракка сылы эргиччи үлэлиир итии былаһааккалары…
Төрөөбүт тыллары харыстыыр уонна сайыннарар судаарыстыбаннай бырагыраама чэрчитинэн, 2026 сылтан саҕалаан, муниципальнай бибилэтиэкэлэргэ оҕо төрөөбүт…
Дьокуускайга Бүлүүлүүр суолга баар сыбаалка билигин да умайа турар. Уоту умуруорар үлэ ыытыллар диэн киин…
Бүгүн Дьокуускай куоракка Опера уонна балет тыйаатырын дьиэтигэр өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III…