Саха сиринээҕи «Бастакылар хамсааһыннара» бүтүн Арассыыйатааҕы старт финалыгар!

Саха сирин хас да хамаандата Казань куоракка көттө. Кинилэр онно «Бастакылар хамсааһыннарын» бүтүн Арассыыйатааҕы стартарыгар икки бырайыагынан: бастакылар ыҥырыылара (3 хамаанда) уонна кэлэр кэм пилоттара (2 хамаанда) өрөспүүбүлүкэ чиэһин көмүскүөхтэрэ.

Саха сириттэн Уус Алдан, Нам, Сунтаар улуустарыттан уонна Дьокуускай куораттан кыттыахтара. Кинилэри бырайыактар куратордара арыаллыыллар.

Саха сирэ бүтүн Арассыыйатааҕы күрэхтэһиигэ Уһук Илин уокуругар күүстээх сүүмэрдээһин нөҥүө путевкалары ылбыта уонна тута хас даҕаны хамаанданы тэрийэн ыытта. Бу өрөспүүбүлүкэҕэ олус үчүгэй көрдөрүү буолар диэн «Бастакылар хамсааһыннарын» оҕо-ыччат хамсааһынын Саха сиринээҕи салаата иһитиннэрэр.