Бу сыл устата ЛДПР Саха сиринээҕи эрэгийиэннээҕи салаата баартыйа бэлиитикэнэн эрэ дьарыктанарын буолбакка, дьон туһугар күннэтэ үлэлиирин дакаастаата. Систиэмэлээх гуманитарнай көмө өрөспүүбүлүкэ социальнай тэрилтэлэрин хабарын таһынан, Арассыыйа байыаннай дьайыы кыттыылаахтарын эмиэ өйүүр.
ЛДПР Нерюнгритааҕы салаатын актыбыыстара саҥа үөрэх дьылын көрсө реабилитационнай киин иитиллээччилэригэр көмөлөстүлэр. ЛДПР-тан дьокутаат Владислав Иллус олох уустуктарыгар түбэспит оҕолору көрүү-истии баартыйа инники күөҥҥэ тутар соруктарыттан биирдэстэрэ буоларын бэлиэтээтэ.
Гаврил Парахин Өймөкөөн улууһугар халааҥҥа эмсэҕэлээбит дьоҥҥо анаан гуманитарнай көмөнү ыыппыта — ас-үөл, оҕолорго малы-салы уо.д.а. Бу өйөбүл үгүс ыалга уустук кэмҥэ көмө буолбута саарбахтаммат.
Итини таһынан Арассыыйа байыаннай сулууспалаахтарыгар сүҥкэн улахан көмөнү оҥордулар. Бүтэһик сылга «Кармен» тэрилтэни кытта 6 мөл. солк. суумалаах гуманитарнай көмө тиэрдиллибитэ биллэр. Ол иһигэр массыына арыылара, көлүөһэлэр, саппаас чаастара. «ГАЛИАФ» ЧОП салайааччыта Эдуард Анисимов байыастарбытыгар «Нива» массыынаны уонна 20-ттэн тахса быһаҕы тиксэрбитэ.
Гаврил Парахин гуманитарнай көмөнү тиэрдиигэ бэйэтинэн кыттыбыта. Аны аһымал пуондаларын кытта байыаннай дьайыы зонатыгар тиэхиньикэлэр уонна саппаастар быыстала суох ыытыллаллар.
Бу үлэҕэ ким баҕалаах кыттыһыан сөп.
Гуманитарнай көмөнү маннык аадырыска хомуйаллар: Дьокуускай к., Петровскай уул., 21/2, 202 офис.
Манна аһы-үөлү, тус туттар малы, суунар тэриллэри уо.д.а. хомуйаллар.
Саха сиринээҕи ЛДПР бу миссияҕа кыттыһар бар дьоҥҥо махтанар.
Мэҥэ Хаҥалас улууһун Хаптаҕай сэлиэнньэтин аттыгар ыытыллыбыт археологическай хаһыыларга саха дьоно олорбут саамай улахан иэннээх…
Хаҥалас улууһун ини-бии Николаевтар ааттарынан 2-с Дьөппөн оскуолатыгар агротехнологическай кылаас аһылынна. Оҕолор номнуо тэрээһин аһыллыытыгар…
Дьокуускайдааҕы полиция дьуһуурунай чааһыгар олохтоох дьахтар 50 тыһ.солк суумалаах бэлисипиэди уорбуттарын туһунан иһитиннэрбит. Бу туһунан…
ОДьКХ уонна энэргиэтикэ министиэристибэтин оробуочай бөлөҕө Өймөкөөн улууһугар сылдьан, хочуолунайдар кыстыкка төһө бэлэмнээхтэрин бэрэбиэркэлээтэ. [gallery…
Бэҕэһээ, атырдьах ыйын 25 күнүгэр, 14:00 чаас саҕана Чурапчытааҕы энергонадзор иниспиэксийэтигэр Чурапчы сэлиэнньэтиттэн Уһун Күөл…
Саха сиригэр көлөппүнэ үүнэр 128 сирэ булулунна. "Мак-2025" эпэрээссийэ иккис түһүмэҕин кэмигэр 1,8 туонна угу…