СӨ ОДьКХ-тын судаарыстыбаннай унитарнай тэрилтэтэ атын хайысхаларынан эмиэ сайдар. Бүгүҥҥү күҥҥэ тэрилтэ кытаанах хомунаалынай бөҕү харайыыга улахан бырайыактары оҥорор.
Ол курдук, инники былааны торумнуурга Ил Дархан Айсен Николаев уонна тэрилтэ генеральнай дириэктэрэ Виталий Чикачев кэпсэттилэр. Ил Дархан кыстыкка киириигэ үлэ хаамыыта хайдаҕын, төһө бэлэмин бэрэбиэркэлээтэ. Атырдьах ыйын 8 күнүттэн оттук үлэтэ Аллайыаха оройуонуттан саҕаланыаҕа. Виталий Чикачев Ил Дархаҥҥа эрдэ туруоруллубут соруктарынан үлэ хаамыытын, ону сэргэ национальнай бырайыактар чэрчилэринэн эбийиэктэри саҥардыы үлэтин эмиэ көрдөрдө.
«Фонд развития территорий» диэн бырагыраама хайысхатынан былырыын «Восток-1» 18 МВт кыамталаах механизированнай хочуолунай үлэҕэ киирбит, онон ньиэбинэн оттуллар икки хочуолунай сабыллыбыт. 2024 сылга тоҕус хочуолунай тутуллуоҕа, онон үлэлиир болдьохторо ырааппыт 15 хочуолунай алта оройуоҥҥа саҥардыллыаҕа.
«Жилье и городская среда» диэн национальнай бырайыак чэрчитинэн «Ыраас уу» эрэгийиэннээҕи бырагыраама киллэриллэр. 2021 сыл бастакы түһүмэҕэр, Өлүөхүмэ оройуонугар cууккаҕа 2 400 кубометр кыамталаах ууну ыраастыыр ыстаансыйаны үлэҕэ киллэрбиттэрэ, ол түмүгэр аҕыс тыһыынча олохтоох ыраас уунан хааччыллыбыта. Билигин икки түһүмэххэ үлэ барар. Былырыын бу бырагырааманан Амма улууһун Алтан уонна Амма нэһилиэктэрин, Дьааҥы улууһун Баатаҕайын, Хаҥалас улууһун Үөһээ Бэстээх нэһилиэктэрин уунан хааччыйыы эбийиэктэрин тутуу саҕаламмыта.
Кытаанах хомунаалынай бөҕү харайыыга саҥа хайысхалар бааллар. Ол курдук алта арктическай оройуоҥҥа бөҕү уматар установкалар оҥоһуллубуттар. Ол иһигэр Чокуурдаахха эмиэ оҥоһуллубут. Маны сэргэ, кытаанах хомунаалынай бөҕү харайыыга саҥа полигоны тутуу үлэтэ Дьокуускайга ыытыллар. Быйыл үлэтин саҕалыахтаах. Билиҥҥи туругунан, полигон 80% бүтэн турар.
РФ Үөрэҕириитин уонна билимин министиэристибэтигэр иһитиннэрбиттэринэн, үрдүк үөрэх саҥардыллыбыт тиһигин киэҥник киллэрии 2027–2028 үөрэх дьылыгар…
Саха сириттэн Арина Аулова «World russian Beauty-2025» Бүтүн Арассыыйатааҕы кэрэ куо куонкуруһугар «Эдэр мисс Арассыыйа-2025»…
Тааттаҕа күрэс төрүт көрүҥнэригэр "Манчаары оонньууларыгар" көрөөччүлэргэ, ыалдьыттарга соһуччу үөрүүлээх бэлэхтэр туттарыллан дьон-сэргэ үөрүүтэ үрдээн…
Дьокуускай киинигэр массыына дьиэ эркинигэр курдат саахаламмыт курдук оҥоһуллубут арт-эбийиэги көтүрдүлэр. Инсталляция Ленин проспегар турар…
Субуотаттан, от ыйын 12 күнүттэн саҕалаан, Саха сиригэр нэдиэлэ устата магнитнай буурҕа саҕаланыа. Мөлтөөһүн аныгыскы…
Эһиги саахардаах диабеттаах буоллаххытына, глюкометры уонна тест-полоскалары ОМС полиһынан босхо ылыаххытын сөп. Ол туһугар бэйэҕит…