Хаартыска: www.sakha.gov.ru
Өрөспүүбүлүкэтээҕи уйулҕа үлэһиттэрин киинин дириэктэрэ Владимир Скрябин бүгүҥҥү брифиҥҥэ иһитиннэрбитинэн, ааспыт нэдиэлэҕэ 470 курдук саҥа иһитиннэриини бэлиэтээбиттэр, анал байыаннай эпэрээссийэ кыттыылаахтарыгар уонна кинилэр чугас дьонноругар 585 тус уонна бөлөҕүнэн үлэни ыыппыттар.
“Ил Дархан Айсен Николаев сорудаҕынан, уйулҕа үлэһиттэрин мобильнай биригээдэтэ Доннааҕы Ростов байыаннай госпиталыгар Единэй координационнай киини кытта ыкса сибээстээхтик үлэлиир.
Уйулҕа үлэһиттэрэ бааһырыы кэнниттэн туругу эрдэттэн сэрэтии, байыаннай истириэс дьайыытын намтатар үлэни, бэйэ туругун тупсарыныы (саморегуляция) ньыматыгар үөрэхтэри, о.д.а. ыыталлар. Ону таһынан, исписэлиистэр бары федеральнай уонна өрөспүүбүлүкэтээҕи өйөбүл миэрэлэр туһунан иһитиннэрэллэр”, — диэн Владимир Скрябин этэр.
Кини уйулҕа уонна ньиэрбэ систиэмэтэ биирдиилээн үлэлииллэрин санатта. Уйулҕа үлэһиттэрэ ыарыһахтары эбии психиатрга, неврологка көрдөрүнүүгэ ыытыахтарын сөп – бу нуорма, онон киһи психическэй туругун туһунан туох даҕаны аймалҕаны таһаарар ирдэммэт.
Владимир Скрябин этэринэн, бэйэтин доруобуйатын көрүнэр, ону тэҥэ, Госфондаҕа эбэтэр эрдэ госпиталга психолог, психотерапевт эбэтэр психиатр сүбэтин ылбыт, исписэлиистэр сүбэлэрин тутуһар, толорор, уопсайынан, туох эмэ сибики баар буоллаҕына кыбыстыбакка исписэлиистэргэ көрдөрүнэр уоппускаҕа кэлбит, демобилизацияламмыт дьон туруга бигэтик тупсар.
Санатан эттэххэ, анал эпэрээссийэ кыттыылаахтарын уонна кинилэр чугас дьонун, Ыччат дьыалаларын уонна социальнай коммуникациялар министиэристибэлэрин иһинэн үлэлиир Өрөспүүбүлүкэтээҕи уйулҕа үлэһиттэрин киинигэр Курашов уулуссатын 36-с нүөмэрдээх дьиэтигэр, Ойуунускай уулусса 41/1 нүөмэрдээх дьиэтигэр “Аҕа дойдуну көмүскээччилэр” судаарыстыбаннай пуонда филиалыгар, улуустааҕы филиалларга көрөллөр-истэллэр.
Үлэ босхо оҥоһуллар. Уйулҕа үлэһиттэрэ кэлбит дьон туруктара бигэтик тупсуор диэри арыаллыыллар. Кистээн даҕаны сылдьыаххытын сөп. Төлөпүөннэрэ: 8-800-100-35-50. Ыйытыыларгытын уонна филиаллар нүөмэрдэрин бу төлөпүөнүнэн эрийэн билсиэххитин сөп: 31-91-09.
Ил Дархан уонна Бырабыыталыстыба пресс-сулууспата.
«Аҕа дойдуну көмүскээччилэр» пуонда көмөтүнэн, байыаннай эпэрээссийэ бэтэрээннэрэ оҕолору уонна ыччаты патриотическай иитиигэ көхтөөхтүк кытталлар.…
Бүгүн Дьокуускай куоракка Бүлүүлүүр суолга баар сыбаалка умайбытын туһунан иһитиннэрии тарҕанна. Онуоха СӨ Экологияҕа, ойуур…
Итинник эттэ өрөспүүбүлүкэ дьиэ-уот хомунаалынай хаһаайыстыбатын уонна энергетикаҕа миниистирэ Вячеслав Емельянов муниципальнай тэриллиилэр бэрэстэбиитэллээх уорганнарын…
«Владимир Путины кытта сылы ырытыы» биэриигэ, ахсынньы 16 күнүнээҕи туругунан, 1,6 мөлүйүөнтэн тахса ыйытыы киирбит. …
Муниципальнай тэриллиилэр бэрэстэбиитэллээх уорганнарын дьокутааттарын сийиэһин чэрчитинэн тыа хаһаайыстыбатын, Арктика түөлбэтин, экологияны, хомунаалынай хаһаайыстыбаны судаарыстыбаннай…
Төрөөбүт тылынан Арассыыйаҕа бастакы эрэгийиэннээҕи мобильнай сыһыарыы үлэҕэ киирдэ. "Айар" кинигэ кыһата эһиэхэ, ааҕааччыларыгар, үөрүлээх…