Саха сирин уйулҕаһыттара байыаннай дьайыы кыттыылаахтарын уонна кинилэр дьиэ кэргэттэрин кытта үлэни күүһүрдүөхтэрэ

Саха сирин уйулҕаһыттара байыаннай дьайыы кыттыылаахтарын уонна кинилэр дьиэ кэргэттэрин кытта үлэни күүһүрдүөхтэрэ. Ол көмө туһунан манна ааҕыҥ.

Өрөспүүбүлүкэтээҕи психологическай киин алтынньы 20-21 күннэригэр өрөспүүбүлүкэтээҕи III психологтар пуорумнарын ыытыаҕа. Быйылгы тиэмэ байыаннай дьайыы кыттыылаахтарын  уонна кинилэр чугас дьонун уйулҕа өттүнэн өйөөһүҥҥэ ананыаҕа, диэн Саха Өрөспүүбүлүкэтин Ыччат дьыалаларыгар уонна социальнай коммуникацияларга министиэристибэтэ иһитиннэрэр.

Пуорум эрэгийиэн психологическай сулууспаларын хардарыта сыһыаннарын бөҕөргөтөр сыаллаах ыытыллар. Онон уопут атастаһыахтара уонна нэһилиэнньэни кытта үлэҕэ технологиялары туһаныыны кэпсэтиэхтэрэ.

Үс секциянан үлэ торумнанна. Бастакы секцияҕа исписэлиистэр бу дьайыы кыттыылаахтарын медико-психологическай уонна социальнай өттүнэн чөлүгэр түһэриини, байыаннай сулууспалаахтар дьиэ кэргэттэрин уонна ЛДНР-тан куотан кэлбит ыаллары психологическай өттүнэн өйөөһүнү ырытыахтара. Ону сэргэ кинилэр саастарын ситэ илик оҕолор уонна ыччат девиациятын сэрэтиигэ уонна кинилэри чөлүгэр түһэрии кыһалҕаларын быһаарыахтара. Өссө биир тиэмэнэн муниципальнай тэриллиилэргэ психологическай өйөбүлү сайыннарыы буолуоҕа.

Пуорум түмүгүнэн резолюция ылыллыаҕа. Пуорумҥа кыттыахтарын баҕалаахтар сайаапкаҕытын бу сигэнэн ыытыҥ:  https://docs.google.com/forms/d/1NMfF5m3mLuD-BpOscNcoueWBA23zK6SCC2ARQzzZrDs/edit

Пуорумҥа сыһыаннаах ыйытыыгытын киин методическай отделыттан ыйыталаһыҥ: 8-968-151-94-15. Бырагыраама социальнай ситимнэргэ бэчээттэниэҕэ: https://vk.com/minmolykt, https://t.me/minmolYakutia, https://vk.com/psycentrykt уонна ыччат министиэристибэтин саайтыгар: https://minmol.sakha.gov.ru/

Сахагов

Хаартыска: тустаах саайтан