Хаартыска: sakha.gov.ru
120-тэн тахса эдэр спортсмен ыам ыйын 27 күнүгэр Алдан куоракка ыытыллар Каратэ норуоттар икки ардыларынааҕы турнирга бэлэмнэнэр. Бу туһунан Арассыыйа национальнай Федерациятын эрэгийиэннээҕи салайааччыта Антон Ильин иһитиннэрдэ.
Салайааччы этэринэн, турнир географията сыллата улаатар. Быйыл аан бастаан Бүтүн Арассыыйатааҕы уонна Аан дойдутааҕы күрэхтэһиилэр призердара уонна чөмпүйүөннэрэ кыттыыны ыллыахтара. Онно Саха сирин чиэһин Нерюнгри, Алдан уонна Дьокуускай куораттартан хомуур хамаандалара көмүскүөхтэрэ. Тэрийээччи Саха сиригэр киокусинкай каратэ Арассыыйа национальнай Федерацията буолуоҕа.
Турнир дойду Бырабыыталыстыбатын бэрэссэдээтэлэ -Уһук Илиҥҥи федеральнай уокурукка РФ Бэрэсидьиэнин боломуочуйалаах бэрэстэбиитэлэ Юрий Трутнев уонна Арассыыйа соҕуруу сайдыытын министиэристибэтин салаатын баһылыга Алексей Чекунков өйөбүллэринэн Алдан гимназиятыгар ыытыллар. Бырайыагы көҕүлээччинэн Киокусинкай карате аан дойду үс төгүллээх чөмпүйүөнэ Хаид Мантаев буолар. Кини бырайыагын олоххо киллэрии оҕолор успуордунан дьарыктанар усулуобуйаларын тупсарыыга эрэ буолбакка, Владимир Путин туруорбут соругунан нэһилиэнньэ физическэй успуордунан дьарыктанар көҕүн таһымын улаатыннарар кыаҕы биэрбитэ.
Санатан эттэххэ, «Уһук Илиҥ уокурук оскуолаларыгар 50 успуорт саалата» бырайыак чэрчитинэн Алдан гимназиятыгар, Дьокуускай куорат 10 №- дээх уонна 20 №- дээх оскуолаларыгар успуорт комплекстара аһыллыбыттара. Эбии үөрэхтээһин бырагырааматын кэҥэтиигэ физическэй култуура учууталларын киокусинкай хайысхатынан бэлэмнээһиҥҥэ кыах биэрбитэ. Дьокуускай куорат 10 №- дээх оскуолатын баазатыгар эмиэ бу истиилинэн кулууп арыллара былааннанар. Саха сиригэр бойобуой ускуустуба көрүҥүнэн барыта 600-тэн тахса үөрэнээччи дьарыктанар.
СӨ Ил Дарханын уонна бырабыыталыстыбатын пресс-сулууспата
Бу ый саҥатыгар Норуоттар икки ардыларынааҕы “Саха сирин бриллианнара” хаар уонна муус оҥоһук бэстибээлигэр араас…
Ааһан эрэр 2025 сыл Өймөкөөн улууһун олохтоохторугар айылҕа иэдээнэ -- алдьатыылаах халаан үгүс хоромньуну оҥорон,…
Саҥа дьылга эҕэрдэлэһэн буостанан аккырыыкка ыытыһар үтүө үгэс баара. Ол аныгы үйэҕэ уларыйан турар. Ол…
Саҥа дьыл үүнэр түүнүгэр оҕолуун-уруулуун бары туох эмит дьиктини, уратыны, аптааҕы күүтэбит. Чаһы кураана охсорун…
Бэйэлэрин норуоттарыгар үгүс дьоһуннаах айымньылары хаалларбыт суруйааччылар ааҕааччы өйүттэн-санаатыттан сүппэттэр, кинилэр үлэлэрэ көлүөнэттэн көлүөнэҕэ тириэрдиллэн,…
СӨ Доруобуйа харыстабылыгар министиэристибэтэ мэдиссиинэ тэрилтэлэрин бырааһынньыктааҕы уонна өрөбүл күннэргэ -- ахсынньы 31 күнүттэн тохсунньу…