Хаартыска: Саха сиринээҕи Росгвардия пресс-сулууспата
Саха сирин сиригэр-уотугар сокуона суох миграцияны бохсорго уонна тохтоторго туһуламмыт «Нелегал-2025» суһал-сэрэтэр эпэрээссийэ бастакы түһүмэҕэ түмүктэннэ.
Бу туһунан Саха сиринээҕи Росгвардия пресс-сулууспата иһитиннэрэр. Эпэрээссийэҕэ ИДьМ салааларын, Ис дьыала уорганнарын, ИДьМ тырааныспарга Хотугулуу-Илиҥҥи линейнэй управлениетын, эрэгийиэннээҕи ФСБ управлениетын үлэһиттэрэ уонна Росгвардия уорганын «Алмаз» СХЭ кытыннылар.
Рейдэ кэмигэр атыы-эргиэн ырыынактара, оҥорон таһаарар сыахтар, тыа хаһаайыстыбатын уонна тутуу эбийиэктэрэ, кафелар уонна аралдьытар тэрилтэлэр, ону таһынан омук гражданнара быстах кэмҥэ олорор сирдэрэ бэрэбиэркэлэннилэр.
Омук дьоно олоруутугар уонна үлэлиир дьарыгар сыһыаннаах уопсайа 2589 эбийиэк бэрэбиэркэлэннэ. Эпэрээссийэ кэмигэр полицейскайдар 5915 омук гражданинын көрдүлэр, ол түмүгэр миграция сокуонун 391 кэһиитэ быһаарылынна.
17 омук гражданинына дминистративнай быһаарыынан дойду тас өттүгэр таһаарарга быһаарыы ылылынна. Ону таһынан, омук гражданнарын сымыйанан учуокка туруоруу уонна олорор дьиэ бас билээччилэрэ регистрация быраабылатын кэһиитин чахчыларынан 4 холуобунай дьыала тэрилиннэ.
Дойду үрдүнэн миграцияҕа сокуону кэһиини бохсорго туһуламмыт дьаһаллар салҕаналлар.
Госдуумаҕа «Сиэрдээх Арассыыйа— Кырдьык иһин» фракциятын дьокутааттара үлэ миниистирэ Антон Котяковка этии ыыттылар. Бэлиитиктэр сиэннэрин…
Арассыыйаҕа 60-тан үөһэ саастаах суоппардарга сыһыаннаах быраабылалары кытаатыннарарга этии киллэрдилэр. Бу туһунан 2030 сылга диэри…
Таатта улууһугар Ытык Күөлгэ "Манчаары оонньууларынан" бүгүн ыытыллыбыт хотугу дэгит күрэс кыайыылаахтара быһаарылыннылар. Хотугу дэгит…
РФ Үөрэҕириитин уонна билимин министиэристибэтигэр иһитиннэрбиттэринэн, үрдүк үөрэх саҥардыллыбыт тиһигин киэҥник киллэрии 2027–2028 үөрэх дьылыгар…
Саха сириттэн Арина Аулова «World russian Beauty-2025» Бүтүн Арассыыйатааҕы кэрэ куо куонкуруһугар «Эдэр мисс Арассыыйа-2025»…
Тааттаҕа күрэс төрүт көрүҥнэригэр "Манчаары оонньууларыгар" көрөөччүлэргэ, ыалдьыттарга соһуччу үөрүүлээх бэлэхтэр туттарыллан дьон-сэргэ үөрүүтэ үрдээн…