Хаартыска: СИА.
Алтынньы 31 күнүттэн сэтинньи 3 күнүгэр диэри Саха сирэ Москваҕа «Клинок – традиции и современность» норуоттар икки ардыларынааҕы быыстапкаҕа кыттыаҕа. Уон сэттэ уус Амма, Үөһээ Бүлүү, Мэҥэ Хаҥалас, Нам, Хаҥалас улуустарыттан, Дьокуускайтан кыттан, үрдүк маастарыстыбаларын, сатабылларын, үйэлээх үгэстэри көрдөрүөхтэрэ.
Биир сүрүн түгэнинэн болгуо тимири уһаарыы буолуоҕа. Саха сириттэн тимир рудатын анаан илтилэр, бу болгуону саха уустара көрөөччүлэр иннилэригэр уһааран көрдөрүөхтэрэ.
Тэрээһиҥҥэ өссө презентациялар, музыкальнай нүөмэрдэр, кыһыллыбыт тоҥ балыгы амсайыы, илиинэн оҥоһуллубут быһахтар, киэргэллэр уонна сувенирдар быыстапкалара уонна атыы-тутуу ыытыллыаҕа.
«Клинок – традиции и современность» 51-с норуоттар икки ардыларынааҕы быһах быыстапката үгэс быһыытынан Арассыыйа бастыҥ тимир уустарын, маастардарын, коллекционердарын түмэр. Тэрээһин сылга иккитэ ыытыллар уонна дойдуга биир саамай улахан уус былаһааккатын быһыытынан ааҕыллар.
Быыстапка бырагырааматыгар куонкурустар, быһаҕы сытыылыырга маастар-кылаастар, бойобуой ускуустуба кулууптарын толоруулара, о.д.а. бааллар. Ону тэҥэ, быһах сертификациятыгар сэминээр уонна «Рыцарский топор: мультитул позднего средневековья» диэн лиэксийэ ыытыллыаҕа.
Ыалдьыттар Арассыыйа үтүөлээх тириэньэрэ Сергей Федосенко салалтатынан быһаҕы, сүгэни, тоһоҕону быраҕыыга кыттар кыахтаныахтара. Быыстапкаҕа уус кыһата аһыллыаҕа, онно ыалдьыттар уһаныыны быһаччы көрүөхтэрин сөп.
«Клинок – традиции и современность» быыстапка алтынньы 31 күнүттэн сэтинньи 3 күнүгэр диэри Москваҕа Main Stage былаһааккаҕа ыытыллар, дойду бастыҥ уустарын, маастардарын түмэр.
Сиһилии: https://www.sakha.gov.ru/news/14701
Ахсынньы 13-15 күннэригэр Москва куоракка «Твой Ход – 2025» Бүтүн Арассыыйатааҕы устудьуоннар пуорумнара ыытылларынан, «Сыл…
Дьокуускайга административнай дьиэҕэ тахсыбыт киһи өлүүлээх баһаар холуобунай дьыалатыгар бириигэбэри таһаардылар. Бу туһунан ахсынньы 16…
Бүгүн, ахсынньы 16 күнүгэр, Дьокуускайга Российскай Федерация бочуоттаах полярнигын Николай Находкин «Санников сиригэр эспэдииссийэ» диэн…
Өрөспүүбүлүкэ агробырамыысыланнай комплексын 2025 сыллааҕы үлэтин түмүктүүр мунньаҕар бастыҥ муниципальнай оройуоннар бэлиэтэннилэр. Бу туһунан СӨ…
Тымныыттан эчэйии үксэ арыгы иһииттэн тахсар диэн Өрөспүүбүлүкэтээҕи 2 №-дээх балыыһатын - Суһал мэдиссиинэ көмөтүн…
Тэрээһиннэргэ байыаннай дьайыы бэтэрээннэрэ уонна кыргыһыы хонуутугар охтубут дьон дьиэ кэргэттэрин чилиэннэрэ, барыта 28 тыһыынчаттан…