Саха сириттэн анал байыаннай дьайыы 30 кыттыылааҕа уонна кини дьиэ кэргэнин чилиэнэ үрдүк, орто үөрэхтэргэ тус сыаллаах миэстэни ылла

Саха сиригэр 30 анал байыаннай дьайыы кыттыылаахтара уонна кини дьиэ кэргэттэрин чилиэттэрэ үрдүк, орто үөрэхтэргэ тус сыаллаах миэстэни ыллылар. Ити туһунан Үөрэх уонна билим миниистирин солбуйааччы Степан Степанов иһитиннэрдэ.  

Спикер этэринэн, үрдүк үөрэх тэрилэтин 382, орто үөрэх тэрилтэтин 666 устудьуона анал истипиэндьийэни ылар. 2467 ыал уһуйааҥҥа оҕону көрүүгэ-истиигэ төрөппүт төлөбүрүттэн босхоломмут.

Итини таһынан, оҕолору олорор дьиэлэриттэн чугас уһуйааннарга көһөрүү, суукканы эргиччи үлэлиир бөлөхтөргө бастакынан киллэрии үлэтэ салҕанар.

“Оскуолаларга анал байыаннай дьайыы кыттыылааҕын 5-11 кылааска үөрэнэр 2719 оҕото босхо аһылыгынан хааччыллар. 3299 оҕо эбии үөрэхтээһин бырагырааматынан дьарыктарга – куруһуоктарга, сиэксийэлэргэ сылдьар” – диэн миниистири солбуйааччы бэлиэтиир.

Анал байыаннай дьайыы кыттыылаахтарыгар уонна кинилэр дьиэ кэргэттэригэр өйөбүл миэрэлэр Ил Дархан 2023 сыл алтынньы 23 күнүнээҕи 80 нүөмэрдээх “Анал байыаннай дьайыы ыытыллар кэмигэр байыаннай дьайыы кыттыылаахтарын уонна кинилэр дьиэ кэргэттэрин чилиэнин өйүүр миэрэлэр туһунан” Ыйааҕар олоҕуран үлэлиир.

Ил Дархан уонна Бырабыыталыстыба пресс-сулууспата.