Хаартыска: «Азия оҕолоро» саайтан
«Азия оҕолоро» норуоттар икки ардыларынааҕы оонньууларга Саха сирэ икки сүүмэрдэммит хамаанданан кыттар. Бастакы хамаандаҕа сүүмэрдээһини барыта холбоон 245 спортсмен ааспыт. Иккискэ – 125 оҕо.
Бастакы сүүмэрдэммит хамаанда успуорт бары 24 көрүҥэр кыттар. Тириэньэрдэр ыччаттары успуорт үгэс буолбут эрэ көрүҥнэригэр буолбакка, алыш, кураж курдук тустууларга, Го оонньууга, хайаҕа ыттыыга кытта бэлэмнээбиттэр.
СӨ Сүүмэрдэммит хамаандатын салайааччыта Александр Андреев спортсменнары хас даҕаны түһүмэҕинэн сүүмэрдээбиттэрин туһунан иһитиннэрэр: сүүмэрдиир тэрээһиннэр, айаннаах күрэхтэһиилэр, үөрэтэр-эрчийэр дьарыктар. Хамаандаларынан өрөспүүбүлүкэ бары улуустарыттан оҕолор талыллан киирбиттэр.
«Владивостокка буолбут ааспыт оонньууларга Саха сирин хамаандата отуттан тахса мэтээли аҕалбыта. Быйыл дойдубутугар ыытыллар күрэхтэһиилэргэ 50-тан тахса мэтээли ылар соруктаахпыт. Ордук тустууктарбытыгар, боксердарбытыгар, чэпчэки атлетиканан дьарыктанааччыларбытыгар, охчуттарбытыгар, уо.д.а. эрэнэбит. Национальнай көрүҥнэрбитин көмүскүүр спортсменнарбытыттан эмиэ үрдүк көрдөрүүнү эрэйэбит: хапсаҕайтан, мас тардыһыытыттан, ыстаҥаттан. Ол да буоллар, оҕолорго аһара улахан эппиэтинэһи сүктэрэ, дьарыгынан, кыайыынан ыга-түүрэ сатаабаппыт. Биһиги хас биирдиилэригэр эрэнэбит”.
Үөрэх үгүс кыһаларыгар оҕолор икки ардыларыгар араас сыһыан баар буолар. Доҕордоһуу, кэпсэтии, тэрээһиннэргэ кыттыы, ону…
Аныгы үйэҕэ күннээҕи олохпутугар туох буортулааҕын, киһи этигэр-сиинигэр хайдах дьайарын биллэхпитинэ, быһаарыстахпытына эрэ, бэйэбит уонна…
Оҕону көрөргө уоппусканы ийэ эрэ ылыахтаах диэн буолбатах. Сокуон быһыытынан аҕа, эбээ, эһээ, атын аймахтар…
Бүгүн кэпсэтэр киһим, Угледар хайысхатынан сылдьыбыт, Бүлүү улууһуттан төрүттээх «Дуолан» диэн позывнойдаах штурмовик Борис Иванов…
Дьокуускайга Бүлүүттэн 16 саастаах оҕону санрейсинэн аҕаллылар. Кини балаҕан ыйын 11 күнүгэр суол саахалыгар эчэйбит…
Горнай улууһун дьаһалтатын исписэлиистэрэ Горнайдааҕы экологическай кэтэбил иниспиэксийэтин кытары бииргэ Бүтүн Арассыыйатааҕы «Өйдөбүл саада» экологическай…