Саха сириттэн байыастарга 117 тиэхиньикэ тиэрдилиннэ

Саха сирэ 2025 сылга байыаннай дьайыы зонатыгар 117 тиэхиньикэни тиэртэ. Бу туһунан «Бары бииргэ — Кыайыыга» хамыыһыйа өрөспүүбүлүкэтээҕи суһал ыстаабын сүрүннүүр киинин салайааччыта, Донбасска көмө уонна өйөбүл Хотугулуу-Илиҥҥи пуондатын салайар Георгий Куркутов иһитиннэрдэ.

Кини этэринэн, сүрүннээн «УАЗ» массыыналары, матасыыкыллары уонна квадроцикллары биэрэллэр.

—Маны таһынан, байыаннай сулууспалаахтарга салгынынан уонна сиринэн 129 туонна аадырыстаах баһыылка, гуманитарнай көмө, Саха сирин волонтердарынан хомуллубут ас-үөл, мал-сал тиэрдиллибитэ, — диэн этэр кини.

Соторутааҕыта Илиҥҥи байыаннай уокурукка үлэлэринэн сырыы түмүгүн иһитиннэрэригэр, Георгий Куркутов Саха сирэ байыаннай чаастары кытта хардарыта сибээһи тутарын бэлиэтээтэ.

—Саха сириттэн сылдьар байыаннай сулууспалаахтары кытта көрсүһүү буолла. Биһиги байыастарбыт санаалара бөҕө. Байыаннай чаастар командирдара өрөспүүбүлүкэни кытта ыкса сибээһи туталлар. Кинилэр Саха сирэ өйөбүл оҥороро дойду эрэгийиэннэригэр үксүлэригэр холобур буоларын бэлиэтииллэр, — диир Георгий Куркутов.

Сиһилии: https://www.sakha.gov.ru/news/11217

СӨ Ил Дарханын уонна Бырабыыталыстыбатын пресс-сулууспата