Хаартыска: «Якутия» авиахампаанньа пресс-сулууспата
«Якутия» АХ бортпроводницата Марина Докторова «Топ стюардесс – 2024» норуоттар икки ардыларынааҕы кэрэ көстүү уонна талаан көрдөрүүтүн престижнэй куонкурс финалыгар таҕыста.
75 кыттааччыттан полуфинал аныгыскы түһүмэҕэр барыта 35 кыыс таҕыста диэн авиахампаанньа пресс-сулууспата иһитиннэрдэ. Марина Докторова 25 саастаах, хампаанньаҕа үлэтин ыстааһа — 3 сыл. Үөрэҕинэн режиссер идэлээх. Билигин кыыс үлэни уонна үөрэҕи тэҥҥэ дьүөрэлиир. «Авиация мин олохпор саамай чаҕылхай иэйиилэри киллэрбитэ. Мин үлэбэр саамай сөбүлүүрүм — пассажирдары көрсөрбөр кинилэр мичээрдииллэрин көрөрүм буолар», — диэн санаатын үллэһиннэ Марина Докторова.
Куонкуруска барыта икки тыһыынчаттан тахса стюардесса сайаапка биэрбит. Сайаапканы Марина Докторова бэс ыйыгар биэрбит, ол кэннэ от ыйын 12 күнүгэр кастинг ааһыахтаах эбит да, кинини бу түһүмэҕэ суох полуфиналист ахсааныгар талбыттар. Полуфинал балаҕан ыйын 9-10 күннэригэр Москваҕа буолан ааспыт. Марина полуфинал бары сорудахтарын толорон, 35 финалист ахсааныгар киирбит.
Куонкурус финала бу сыл алтынньы 23 күнүгэр Москва куорат «Внуково» култуура киинигэр ыытыллыаҕа. «Топ стюардесс – 2024» куонкурус 2014 сылтан ыытыллар уонна бортопроводник идэтин киэҥ араҥаҕа үрдэтиигэ ананар.
Мэҥэ Хаҥалас улууһугар "Халыма" федеральнай суолга «SITRAK C7H» массыына суолтан туораан түҥнэһиннэ. Бу туһунан Госавтоиниспиэксийэ…
Саха сирин полицейскайдара Сочи куоракка төлөпүөн түөкүттэригэр кыттыгастаах, 35 мөл. солк. үп-харчы тэрилтэлэриттэн устубут киһини…
Саха сиригэр ойуур бизонун үөскэтэр бырайыак саҕаланыаҕыттан кинилэр ахсааннара 320-чэ төбөҕө тиийдэ. Бу өссө быйылгы…
Балаҕан ыйын 13-14 күннэригэр Ньурбатааҕы судаарыстыбаннай көһө сылдьар драматическай тыйаатыр 59-с айар дьылын арыйда. Бастакы…
Айсен Николаев Нам оройуонун Хатырык сэлиэнньэтигэр Дьяконовтарга сырытта. Элбэх оҕолоох ыалга Ил Дархан халаан кэнниттэн…
“Айар “ национальнай кинигэ кыһатыгар саҥа бэчээттэнэн кэлбит кинигэлэр ортолоругар филология билимин хандьыдаата Саргылаана Еремеевна…