Киин таможеннай управление пресс-сулууспатын хаартыската
Кытайга контрабаанданан туоннаттан тахса сэлии муоһун уоран таһааран испиттэрин Киин суһал уонна Шеремьетевскайдааҕы таможнялар туппуттарын туһунан Киин таможеннай сулууспа пресс-сулууспата иһитиннэрэ.
Таможня үлэһиттэрэ палеонтологическай булумньулаах дьааһыгы Шеремьетево аэропордун таһаҕаһы уурар терминалыттан суһал-көрдүүр тэрээһин түмүгэр буллулар. Барыта 95 устуука муос быһыллыбыт куһуога баар эбит.
Бу таһаҕас илиинэн оҥоһуллубут мал курдук докумуоннанан, Белоруссияттан Арассыыйа нөҥүө Кытайга баран испит. Онуоха табаары тиэйэн аҕалбыт массыына авиатерминалга кэлиэр диэри Арассыыйа территориятыттан ханна даҕаны тахсыбатаҕа, Белоруссияҕа сылдьыбатаҕа бэлиэтэнэр.
Түөкүннүүр схеманы Москваҕа баар фирма оҥорбута билиннэ. Булуллубут табаар – Саха сиригэр былыр плейстоцен кэмигэр олоро сылдьыбыт сэлии муоһун кырамталара диэн эспиэр быһаарбыт. Сэлии муоһа култуура сыаннаһынан биллэр, добуочча сыаналаах буолар, оттон бу табаары 20 мөл. солк. сыаналаабыттар.
Маннык табаар тас дойдуга РФ Култуурата биэрбит көҥүллээх (лиссиэнсийэлээх) эрэ тахсыан сөп.
Хампаанньа салайааччытыгар РФ ХК 1 ыст. 226.1 чааһынан (култуура сыаннастарын улахан кээмэйинэн контрабаандалааһын) холуобунай дьыала тэриллибит. Салайааччыга 1 мөл. солк. диэри ыстараап уонна 3-тэн 7 сылга диэри көҥүлүн быһыы суоһуур.
Саха сиригэр пионерскай тэрилтэ төрүттэммит күнүнэн 1924 сыл олунньу 17 күнэ ааҕыллар. Бу күн Дьокуускайга…
Нерюнгри куоракка ыытыллыбыт Арассыыйа үөрэнээччилэрин XII Спартакиадаларын II түһүмэҕэр уус-уран гимнастикаҕа Саха сирин спортсменкалара 3 …
Таатта улууһугар Таптал, Эрэл, Итэҕэл сылынан уонна Саха Өрөспүүбүлүкэтигэр "Ньургуһун" күнүнэн тыл үөрэхтээҕэ, биллиилээх литературнай…
Халаан уутуттан эмсэҕэлиир нэһилиэктэр ахсааннарыгар урут хаһан да киирбэтэх Хатырык нэһилиэгэ улахан ууга баран, олохтоохтор…
Казахстаан Өрөспүүбүлүкэтигэр Саха сирин күннэригэр саха норуотун ускуустубатын уонна култууратын көрдөрөр “Сокровище Якутии» быыстапка киэҥ…
Сааскы халаантан бу күннэргэ Нам уонна Өлүөхүмэ улуустара эмсэҕэлээтилэр. Баартыйа эрэгийиэннээҕи салаатын исполкомун салайааччыта Сулустаан…