Саха сириттэн «Дальний Восток – Земля приключений» куонкуруска 50 киинэ киирбит

«Дальний Восток – Земля приключений» Бүтүн Арассыыйатааҕы куонкурус үһүс сезонугар  Саха сириттэн  50 киинэ киирбит.

Үһүс сезон түмүгүнэн дьүүллүүр сүбэ сыанабылыгар уопсайа 859 киинэ  киирбит. Бу иккис  сезоннааҕар  балтараа төгүлүнэн  элбэҕин  туһунан бырайыак көҕүлээччитэ, РФ Бырабыыталыстыбатын бэрэссэдээтэлин солбуйааччы-Уһук Илиҥҥи федеральнай уокурукка бэрэсидьиэн боломуочуйалаах бэрэстэбиитэлэ Юрий Трутнев иһитиннэрдэ. Кини  Уһук Илин уонна Арктика эрэгийиэннэригэр айанныырга интэриэс  үрдээн иһэрин бэлиэтээтэ.

Юрий Трутнев этэринэн, Уһук Илиҥҥи уонна Арктика эрэгийиэннэрэ ураты айылҕалаахтарынан,  дойду иһинээҕи туризмы сайыннарыыга кыаҕы биэрэллэр. 2025 сыл бастакы уон ыйыгар  Уһук Илиҥҥи федеральнай уокурук эрэгийиэннэригэр  турист ахсаана 6,4 мөлүйүөн киһиэхэ тэҥнэстэ. «Дальний Восток – Земля  приключений» куонкурус  туһааннаах эрэгийиэннэри  билиһиннэрэр  сыаллаах  тэриллибитин бэлиэтээн эттэ.

Сахалинскай уобалас туһунан  177 киинэ киирбит. Маны таһынан,  Приморскай кыраайтан —  121, Камчаткаттан — 83, Хабаровскай  кыраайтан — 70,  Бурятия Өрөспүүбүлүкэтиттэн — 59 видеороликтар  киирбиттэр.

Сиһилии: https://www.sakha.gov.ru/news/18921