https://www.sakha.gov.ru/
«Дальний Восток – Земля приключений» Бүтүн Арассыыйатааҕы куонкурус үһүс сезонугар Саха сириттэн 50 киинэ киирбит.
Үһүс сезон түмүгүнэн дьүүллүүр сүбэ сыанабылыгар уопсайа 859 киинэ киирбит. Бу иккис сезоннааҕар балтараа төгүлүнэн элбэҕин туһунан бырайыак көҕүлээччитэ, РФ Бырабыыталыстыбатын бэрэссэдээтэлин солбуйааччы-Уһук Илиҥҥи федеральнай уокурукка бэрэсидьиэн боломуочуйалаах бэрэстэбиитэлэ Юрий Трутнев иһитиннэрдэ. Кини Уһук Илин уонна Арктика эрэгийиэннэригэр айанныырга интэриэс үрдээн иһэрин бэлиэтээтэ.
Юрий Трутнев этэринэн, Уһук Илиҥҥи уонна Арктика эрэгийиэннэрэ ураты айылҕалаахтарынан, дойду иһинээҕи туризмы сайыннарыыга кыаҕы биэрэллэр. 2025 сыл бастакы уон ыйыгар Уһук Илиҥҥи федеральнай уокурук эрэгийиэннэригэр турист ахсаана 6,4 мөлүйүөн киһиэхэ тэҥнэстэ. «Дальний Восток – Земля приключений» куонкурус туһааннаах эрэгийиэннэри билиһиннэрэр сыаллаах тэриллибитин бэлиэтээн эттэ.
Сахалинскай уобалас туһунан 177 киинэ киирбит. Маны таһынан, Приморскай кыраайтан — 121, Камчаткаттан — 83, Хабаровскай кыраайтан — 70, Бурятия Өрөспүүбүлүкэтиттэн — 59 видеороликтар киирбиттэр.
Сиһилии: https://www.sakha.gov.ru/news/18921
Урут оҕо сылдьан аҕабынаан убайбытыгар окко көмөлөhөрбүт. Киэhэ алааспытыгар, үүтээн таhыгар утуйаары сылдьан бары остуолга…
Хаҥалас улууһун 58 саастаах олохтооҕо быраатын өлөрөн, РФ Холуобунай кодексын 105 ыст. 1 ч. сууттанна. …
Өрүү сакалаат сиэххин, кофе иһиэххин баҕарар буоллаххына, эйиэхэ магнийдаах бородуукта тиийбэт диэн исписэлиистэр этэллэр. Оттон…
Былатыан Ойуунускай аатынан Саха академическай тыйаатыра бу айар сылга ураты суолталаах премьераны бэлэмниир. Өрөспүүбүлүкэ биллиилээх…
Бу нэдиэлэҕэ Дьокуускай куоракка 32 суол быһылаана тахсан, 3 киһи араас эчэйиини ыллылар. Бу туһунан …
Саха сиригэр былырыын иллэрээ сыллааҕар элбэх турист кэлэн барда. СӨ Урбаан, эргиэн уонна туризм министиэристибэтэ…