Н.Борисов
Саха сириттэн Фея диэн позывнойдаах эмчит байыаннай дьайыы зонатыгар эчэйбит байыастарга көмөлөһө барда, диэн байыаннай кэрэспэдьиэн Николай Борисов иһитиннэрэр.
“Мин терапевт-быраас уонна кардиолог-быраас быһыытынан бардым. Биһиги байыастарбыт сытар чөлүгэр түһэр госпиталларыгар үлэлиибит. Биһиги хирурдарга көмөлөһөбүт. Хи рурдар эпэрээссийэлииллэр эбэтэр чөлүгэр түһэриинэн дьарыктаналлар, оттон терапевтар эмтэниилэрин сүрүннээн, чөлүгэр түһэллэригэр көмөлөһөбүт”, — диэтэ быраас.
Фея этэринэн, байыаннай дьайыыга барарын туһунан дьонугар этэрэ олус ыарахан буолбут, ол эрээри ылыммыт санаатын булгуруппатах. Бу сураҕы аҕата, кэргэнэ уонна оҕолоро бастакынан билбиттэр.
“Кэргэним олус санааргыыр, сүрэҕэр чугастык ылынна быһыылаах. Кини мин майгыбын бэркэ билэр. Өскөтүн мин быһаарыныы ылынным даҕаны, онтон мүлчүрүйбэппин. Барар санааны дириҥник торлкуйдаан ылынным. Биир идэлээхтэрим уонна салалтам этиибин өйөөбүттэрэ”, — диир Фея.
Быраас этэринэн, госпитальга кинилиин Арассыыйа бүттүүнүттэн быраастар үлэлииллэр. “Биһиги хайы-үйэ доҕордостубут. Биллэн турар, манна үлэлиир уратылаах, ол эрээри сүрүннээн көннөрү гражданскай балыыһаҕа үлэни санатар”, — диэн кэпсиир кини.
Фея тоҕо байыастарга көмөлөһө барбыт биричиинэлэриттэн биирдэстэринэн кини дьиэ кэргэнин устуоруйата буолар. Эһээлэрэ иккиэн Аҕа дойду Улуу сэриитигэр кыттыбыттара. Биирдэрэ Карельскай фроҥҥа хайыһардьыттар десаннарын састаабыгар связист этэ. “Кини хаарга, хайыһардаах туран эрэ утуйалларын, маҥан көстүүмү кэтэн маскырыапкаланалларын туһунан кэпсиирэ”. Иккис эһээтэ Ворошиловскай фроҥҥа өлбүтэ. Кини өлүөн иннинээҕи күҥҥэ суруйбут тиһэх суруга баар”, — диир Фея.
“Биһиги бары дойдубут патриоттара буолабыт. Хас биирдии киһи эйэлээх олоххо олоруон баҕарар. Байыаннай дьайыы саҕаламмытыгар, арааһа, мэдиссиинэ персонала наада буолара буолуо дии санаабытым. Туох буоларын бэйэм илэ харахпынан көрүөхпүн баҕарбытым. Барытын бэйэҥ көрдөххүнэ олоҕу көрүүҥ уларыйар”, — диир Фея.
Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатын пресс-сулууспата
Николай Борисов хаартыската
П.А.Ойуунускай аатынан Чөркөөх орто оскуолатын иһинэн 2017 сылтан сылы быһа төрөөбүт тылы чиҥэтиигэ аналлаах Сардаана…
Саха Өрөспүүбүлүкэтин бырабыыталыстыбатын Бэрэссэдээтэлин солбуйааччы Ольга Балабкина бэйэтин этиитигэр Андрей Васильевич Кривошапкин дьылҕата – хотугу…
sakha-sire.ru саайт «Кэпсээннэ истиэҕиҥ» диэн саҥа бырайыагы саҕалыыр. Манна «Саха сирэ» хаһыат суруналыыстара, суруйааччылар бэйэлэрин…
Өлөөн улууһуттан үөрүүлээх сонун кэллэ. Бөртөлүөтүнэн көрдүүр үлэ түмүгэр сүппүт таба үөрүн улахан аҥаара көһүннэ,…
Соторутааҕыта РФ Үөрэҕириитин миниистирэ Сергей Кравцов Москваҕа, Санкт-Петербурга уонна Липецкэй уобаласка тоҕоостоох орто анал үөрэҕи…
Арассыыйатааҕы Судаарыстыбаннай сэбиэт “Энэргиэтикэҕэ” хамыыһыйатын мунньаҕа буолан ааста. Тэрээһин дойду эрэгийиэннэригэр уот ситимин комплекса эрэллээхтик…