Хаартыска: Саха сиринээҕи ЗАГС управлениета
Бүтүн Арассыыйатааҕы ыал буолуу бэстибээлин бастакы күнүгэр, Дьиэ кэргэн, таптал уонна бэриниилээх буолуу күнүгэр, «Россия» национальнай кииҥҥэ 151 ыал биир кэмҥэ ыал буолууларын бэлиэтээтэ.
Ол иһигэр Саха сириттэн икки ыал: Сахаайа Захарова Виталий Андреевтыын уонна Кира-Лин Нестерович Игорь Табачниктыын. Бэрэсидьиэн дьаһалтатын баһылыгын бастакы солбуйааччыта Сергей Кириенко Владимир Путин эҕэрдэтин ааҕан иһитиннэрдэ уонна ыалларга бэйэ-бэйэни өйдөһүүнү, убаастабылы, бөҕө буолуу үгэстэри баҕарда.
Кириенко ыаллар дьоллоро дойду этэҥҥэ буолуутугар дьайарын бэлиэтээтэ. Анал байыаннай эпэрээссийэ дьоруойа Валерий Доонов — биир кийиит убайа балтын өйөөн фронтан уоппускаҕа кэлэн тыл эппитэ ураты түгэнинэн буолла.
Саха сириттэн сылдьар кыттааччылар санааларын кытта үллэһиннилэр уонна бэйэлэрин туһунан кэпсээтилэр.
Кира-Лин Үөһээ Бүлүүгэ төрөөбүт, ол эрээри олоҕун улахан аҥаарын Кэбээйи улууһугар атаарбыт. Идэтинэн тэрээһиннэри тэрийээччи, билигин дьиэттэн олорон үлэлиирин ордорон, фрилансердыыр. Кини талбыт кэргэнэ Игорь, Воронеж куорат уола, Брянскайга улааппыт, инженер-программиһынан үлэлиир. Кинилэр социальнай ситимнэргэ билсибиттэр уонна билигин Санкт-Петербург куоракка бииргэ олороллор.
Виталий Андреевы уонна Сахаайа Захарованы успуорка тардыһыылара ситимнээбит. Москва марафонугар кыттыан иннинэ Сахаайа уопуттаах марафонецка — быраас-кардиолог Виталийга сүбэлэтэ тиийбит. Виталий Андреев Москва уобалаһыгар баар Арассыыйа ФМБА-тын 9 №-дээх мэдиссиинискэй санчааһын Тымыр киинин салайар. 2024 сыллаахха кини Запорожьетааҕы Энергодар куоракка бойобуой соприкосновение лииньийэтигэр сылдьан, түүннэри-күнүстэри көмөнү оҥорбут, терапия уонна кардиология отделениетын сэбиэдиссэйин эбээһинэһин толорбут. Сахаайа Захарова Москва ювелирнай хампаанньатыгар товаровед-геммологынан үлэлиир.
Бэстибээл бырагырааматынан Александра Пахмутова уонна Николай Добронравов айар үлэлэригэр анаммыт «Мин эйигин өрүү таптыыбын» диэн мюзикл, ону таһынан Niletto кэнсиэрэ буоллар.
Бэстибээл от ыйын 8 күнүттэн 10 күнүгэр диэри ыытыллар. Онно дьоҥҥо-сэргэҕэ аналлаах лиэксийэлэр, маастар-кылаастар, быыстапкалар уонна литературнай кулууптар үлэлииллэр. Тэрээһин Бэрэсидьиэн култуурунай көҕүлээһиннэрин пуондатын өйөбүлүнэн тэрилиннэ.
Хатас норуодунай тыйаатыра Арассыыйа норуодунай тыйаатырдарыгар аналлаах эрэгийиэннэр икки ардыларынааҕы бэстибээл-күрэххэ кыайан, бу күннэргэ Чукотка…
Благовещенскай куоракка ССРС успуордун маастара Алексей Ковалев кэриэһигэр көҥүл тустууга Бүтүн Арассыыйатааҕы турнир буолан ааста.…
''Сэргэлээх уоттара'' култуура киинигэр ахсыс төгүлүн ыытыллар "Үрүҥ хаар алгыһа" норуоттар икки ардыларынааҕы бэстибээл өрө…
Өрөспүүбүлүкэ бырабыыталыстыбатын бэрэссэдээтэлин солбуйааччы Ольга Балабкина СӨ Төрүт сокуонугар киирэр көннөрүүлэр киһи быраабын, ол иһигэр…
Бу сыл ахсынньытыттан дойду үрдүнэн биир киһи илдьэ сылдьар баан каартатын ахсааныгар хааччахтары олохтуохтарын сөп.…
Ил Дархан Айсен Николаев бүгүн, алтынньы 14 күнүгэр, VIII Норуоттар икки ардыларынааҕы «Үрүҥ хаар алгыһа»…