Саха сириттэн итэҕэллээх дьон Владимир Путины кытары көрүстүлэр

Бу тэрээһиҥҥэ Саха сириттэн В.Путин итэҕэллээх дьоно кыттыыны ыллылар. Ол курдук Аҕа дойдуну көмүскээччилэр дьиэ кэргэттэрин  кэмитиэтин чилиэнэ, ДНӨ тирэх пуунун волонтера  Марина Бахилина, СӨ Арассыыйатааҕы норуот фронун эрэгийиэннээҕи исполкомун салайааччыта Валерий Лютай, Судаарыстыбаннай национальнай киинэ хампаанньатын салайааччыта Алексей Егоров уонна АЛРОСА генеральнай дириэктэрин солбуйааччы — толорооччу дириэктэр Сергей Павленко кыттыыны ыллылар.

«Бэрэсидьиэн салалтатынан Саха сирэ Уһук Илиҥҥэ эрэ буолбакка, бүтүн дойду үрдүнэн экэниэмикэ үүнүүтүгэр, социальнай сайдыыга  лидер буолар. Биһиги бары хайысхаларынан барыахпыт, сайдыахпыт. Оннук сайдарга бары кыахтар бааллар. Саха сирин олохтоохторо дойдуну сайыннарсар сыаллаахтар-соруктаахтар», – диэн Алексей Егоров санаатын эттэ.

Валерий Лютай: «Саха сирэ эрэ буолбакка, бүтүн Арассыыйа Владимир Путин тула үмүөрүспүтэ үөрдэр. Уруккуттан маннык этэ, Арассыыйа уустук кэмҥэ биир сомоҕо буолара. Бэрэсидьиэммит сөпкө этэр, Арассыыйаҕа уонна норуокка итэҕэйиэххэ наада диэн.  Владимир Владимирович биһиги дойдубутун кыайыыга сирдиэҕэ, биһиги бары манна итэҕэйэбит. Биһиги быыбарбыт биһиги түмсүүлээхпитин, дьулуурдаахпытын көрдөрдө», – диэтэ. 

Марина Бахилина: «Бэрэсидьиэн саҥа Арассыыйаны тутуу суолугар бииргэ айанныырга ыҥырбыта. Ол курдук экэниэмикэттэн саҕалаан култуураҕа тиийэ. Быыбарга кыайыы  кэлэр кыайыыларга сирдиир суолталаахтар, – диэн бэлиэтээтэ.

Бэрэсидьиэн быыбара кулун тутар 15-17 күннэригэр буолбута.  35 территориальнай быыбардыыр хамыыһыйа, 790 учаастагынан быыбардыыр хамыыһыйа үлэлээбитэ. Владимир Путин эрэллээхтик кыайбыта.