Хаартыска sakha.gov.ru ылылынна
“Арассыыйа учуутала – 2023” Бүтүн Арассыыйатааҕы куонкурус финалын бастакы түһүмэҕэ түмүктэннэ. Сэттэ күн 90 финалист педагогическай дьыктааны суруйдулар, уруогу уонна уруогу тас өттүнэн дьарыгы ыыттылар.
Е.М.Примаков аатынан гимназияҕа үөрүүлээх наҕараадалааһын буолла. Бастыҥнар иккис түһүмэхэ күөн көрсүөхтэрэ. Кинилэр ортолоругар Саха сириттэн физика учуутала Иван Герасимович Дьяконов баар.
“Иван куонкурус 15 лауреатын иһигэр киирдэ, өрөспүүбүлүкэтин аатын чиэстээхтик көмүскүүр”, — диэн Айсен Николаев бэлиэтээтэ.
Иван Герасимович – “Сыл учуутала – 2022” өрөспүүбүлүкэтээҕи идэ куонкуруһун муҥутуур кыайыылааҕа, Бэрдьигэстээх улууһун гимназиятын физикаҕа учуутала. Кини “Саха сирин кэскилэ” түөскэ кэтиллэр бэлиэнэн, А.И.Герцен аатынан Арассыыйатааҕы судаарыстыбаннай педагогическай университет магистратуратыгар босхо үөрэнэр сэртипикээтинэн наҕараадаламмыта.
Быйыл кинини куонкуруска С.Н.Донской-II аатынан Үөрэҕи сайыннарыыга уонна идэни үрдэтиигэ институт дириэктэрэ Павлов Ньургун Михайлович бэлэмнээбитэ.
Алтынньы 1 күнүгэр бу куонкурус финалистарыгар иккис түһүмэх саҕаланар. Алтынньы 3 күнүгэр диэри кыттааччылар төрөппүттэр, үөрэнээччилэр уонна устудьуоннар Улахан дьүүллүүр сүбэлэригэр маастар-кылаастарын көрдөрүөхтэрэ уонна лиэксийэ ааҕыахтара.
Кыайыылааҕы уонна призердары наҕараадалааһын алтынньы 5 күнүгэр Кириэмиллээҕи судаарыстыбаннай дыбарыаска Учууталлар Улахан нэдиэлэлэрин чэрчитинэн ыытыллыаҕа.
Билигин РФ үөрэҕин саайтыгар кыттааччылар тустарыгар онлайн-куоластааһын ыытыллар. Бу сигэнэн киириҥ: https://vk.com/wall-30558759_414278. Куоластааһын: алтынньы 3 күнүгэр диэри 12:00 Москва бириэмэтинэн ыытыллар.
Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатын пресс-сулууспата
Хаартыска: сахаговтан
Нумеролог Мариана Тимофеева 2025 сылы билгэлээтэ. Үүммүт сыл, сыыппара хараҕынан көрдөххө, тугу тосхойоруй? Үүммүт Иэйиэхсит…
Ааспыт сууккаҕа Саха сиригэр 5 буруйу оҥоруу тахсыбыта бэлиэтэммит. Бу туһунан СӨ Борокуратууратын пресс-сулууспата суруйар.…
Саха сиригэр национальнай бырайыактары олоххо киллэриитин алта сыл иһигэр 170 эбийиэк тутулунна: 44 оскуола, 24…
Хаҥалас оройуонугар ДПС инспектордара трассаҕа умуллубут массыыналаах суоппар кыыска көмө оҥордулар. Томороон тымныыларга массыына айаннаан…
Саҥа сылга үктэнээт, киин куоракка култуура кииннэригэр, тыйаатырдарыгар араас ис хоһоонноох дьон сынньалаҥар туһуламмыт тэрээһиннэр…
Тохсунньу 5 күнүгэр социальнай ситимнэринэн Кириэмилгэ Арассыыйа Дьоруойа аатынан Муома улууһуттан Сааһыыр олохтооҕун наҕараадалыахтара диэн…