Саха сириттэн кондитер «Король Десертов. Кубок Агзамова» шоуга кытынна

Дьокуускай куорат олохтооҕо Харчана Иванова «Пятница!» телеханаалга Ренат Агзамов аатырбыт «Король Десертов. Кубок Агзамова: Десерты со спецэффектами» диэн кулинарнай шоутугар кытынна.

46 саастаах Харчана Иванова шоу икки түһүмэҕин этэҥҥэ ааһан баран, финалга киирбэтэ. Бу таһаарыы тиэмэтинэн спецэффектээх десертэр буоллулар. Идэтийбит кондитердар уонна сөбүлээн дьарыктанааччылар фантастическай харамайдар фигураларын оҥорон, спецэффектээх минньигэс айымньыларынан дьүүллүүр сүбэни сөхтөрдүлэр. Ренат Агзамовка кыайыылааҕы быһаарсарга Кристина Бурякова көмөлөстө. Биэриини Rutube-ка көрүөххэ сөп.