Хартыска https://www.sakha.gov.ru саайтан
Саха сириттэн бу күннэргэ РФ Бэрэсидьиэнэ Владимир Путин сорудаҕынан тэриллибит «Патриотическая» ТОР федеральнай бырагырааматын олоххо киллэрии чэрчитинэн, байыаннай дьайыы соруктарын толорор байыаннай чаастарга «Якт-Сокол» квадроцикллар уонна «Хотой» пилота сох көтөр аппарааттар туттарылыннылар.
Бу туһунан нэдиэлэтээҕи брифиҥҥэ Гражданскай оборуонаҕа уонна нэһилиэнньэ олоҕун куттал суох буолуутун хааччыйыыга миниистирин солбуйааччы Яна Наумова иһитиннэрдэ.
Кини бэлиэтээбитинэн, Саха сирин суһал ыстааба уонна өрөспүүбүлүкэ байыаннай дьайыы зонатыгар баар тирэх пууннара байыаннай дьайыы кыттыылаахтарын наадалаах тэрилинэн уонна тиэхиникэнэн хааччыйар үлэни салгыы ыыталлар.
«Өрөспүүбүлүкэ бары муниципальнай оройуоннарыгар Саха сирин байыаннай сулууспалаахтарыгар анаан гуманитарнай баһыылкалары, тырааныспары, тиэхиньикэни уонна ас-үөл набордарын хомуйуу салҕанар», — диэн кэпсээтэ Яна Наумова.
Байыаннай дьайыыны өйүүр үлэни эрэгийиэн баһылыга Айсен Николаев салайар «Кыайыыга бииргэ!» өрөспүүбүлүкэтээҕи хамыыһыйата сүрүннүүр. Фроҥҥа көмө быһыытынан инники күөҥҥэ 2025 сыл иһигэр эрэ сүүһүнэн тырааныспар, тыһыынчанан квадрокоптер, генератор, сибээс тэриллэрэ уонна да атын наадалаах маллар тиэрдиллибиттэрэ.
Байыаннай дьайыыттан эргиллэр буойуннар эйэлээх олоххо сөптөөх миэстэни ылыахтаахтар. Бу бэлиитикэ биир холобурунан Арассыыйа Дьоруойа…
Арассыыйа ИДьМ (МВД) «Дьокуускайдааҕы» МУ полициятын 3-с нүөмэрдээх салаатын дьуһуурунай чааһыгар таҥас маҕаһыыныттан уопсайа 26…
Сирэйгэ, илиигэ мэҥ курдук бээтинэлэр сааһырбыт эрэ дьоҥҥо тахсар курдук үгүстэр өйдүүллэр. Күн уота аһары…
Ленскэй оройуонугар полиция холуобунай ирдэбилин үлэһиттэрэ суһал иһитиннэриини бэрэбиэркэлии сылдьан, 39 саастаах олохтоохтон регистрацияламматах «Тигр»…
М.К. Аммосов аатынан ХИФУ успуорка саалаларыгар 35, 40, 45, 50, 55, 60, 65, 70 үөһээ…
2026 сыл саҥатыгар дойду үрдүнэн кремация сыаната биллэ үрдээбитэ көстөр. Сүрүн биричиинэтинэн ОДьКХ өҥөтүн тарыыба…