Хаартыска: Елена Потоцкая.
Бу ый саҥатыгар Норуоттар икки ардыларынааҕы “Саха сирин бриллианнара” хаар уонна муус оҥоһук бэстибээлигэр араас омук дьоно кыттыыны ылан, ситиһии көтөллөнөн бэркэ үөрэн-көтөн, астынан барбыттара.
Тэрээһин 90-с сыллартан ыытыллар, 2016 норуоттар икки ардыларынааҕы статустаммыта. Быйыл бэстибээл ыытыллыбытын тухары биир бэлиэ түгэн тосхойдо.
Ол курдук , бу күннэргэ киин куорат мээрийэтиттэн “Саха сирин бриллианнара” хаар уонна муус оҥоһук бэстибээлигэр тэрээһин үлэни сүрүннүүр салайааччы Пелагея Левина Кытай өрөспүүбүлүкэтин Харбин куоратыгар анал ыҥырыы тутта.
Бу куоракка сыл аайы муус уонна хаар оҥоһуктар улахан бэстибээллэрэ ыытыллар. Норуоттар икки ардыларынааҕы улахан таһымнаах тэрээһиҥҥэ Пелагея Левина биэс киһилээх кыайыылаахтары быһаарар дьүүллүүр сүбэ састаабыгар киирдэ. Кытай Харбин куоратын кытта Дьокуускай бырааттыы сыһыаннаахтар (город-побратим). Онон Саха сириттэн дьүүлүүр сүбэ эспиэрин быһыытынан кыттар Пелагея Левина 2026 сыл тохсунньу 2 күнүгэр бэстибээл үөрүүлээх аһыллыытыгар кыттыаҕа уонна тэрээһин түмүктэниэр диэри уонтан тахса күн дьүүллүүр сүбэ үлэтигэр сылдьыаҕа.
Тэрээһин балаһыанньатын быһыытынан дьүүллүүр сүбэ чилиэннэрин кэлэр-барар бырайыастара төлөнөр, олорор-аһыыр усулуобуйалара тэриллэр, хамнастара төлөнөр.
«Кыһын Саха сириттэн саҕаланар» кыһыҥҥы туризм бэстибээлин биир сүрүн тэрээһинэ — “Саха сирин бриллианнара” хаар уонна муус оҥоһук бэстибээлэ таһыма үрдүгүн бэлиэтэ — Саха сирин бэрэстэбиитэлэ аан дойдуга биллэр тэрээһиҥҥэ дьүүллүүр сүбэ эспиэрин быһыытынан кыттыыта.
Ааһан эрэр 2025 сыл Өймөкөөн улууһун олохтоохторугар айылҕа иэдээнэ -- алдьатыылаах халаан үгүс хоромньуну оҥорон,…
Саҥа дьылга эҕэрдэлэһэн буостанан аккырыыкка ыытыһар үтүө үгэс баара. Ол аныгы үйэҕэ уларыйан турар. Ол…
Саҥа дьыл үүнэр түүнүгэр оҕолуун-уруулуун бары туох эмит дьиктини, уратыны, аптааҕы күүтэбит. Чаһы кураана охсорун…
Бэйэлэрин норуоттарыгар үгүс дьоһуннаах айымньылары хаалларбыт суруйааччылар ааҕааччы өйүттэн-санаатыттан сүппэттэр, кинилэр үлэлэрэ көлүөнэттэн көлүөнэҕэ тириэрдиллэн,…
СӨ Доруобуйа харыстабылыгар министиэристибэтэ мэдиссиинэ тэрилтэлэрин бырааһынньыктааҕы уонна өрөбүл күннэргэ -- ахсынньы 31 күнүттэн тохсунньу…
300 киһи олорор Өймөкөөн улууһун Үчүгэй нэһилиэгэр саҥа технологиянан оҥоһуллубут «Экстра Синема» киинэ саалата үлэҕэ…