Саха сириттэн Павел Пестряков СТС ханаалга «Суперниндзя» шоуга кыттыаҕа
01.10.2024, 14:00
Хаартыска: СТС ханаал
Бөлөххө киир:
Спортсмен Павел Пестряков Саха сириттэн бастакынан СТС ханаалга «Суперниндзя» шоу норуоттар икки ардыларынааҕы сезонугар кыттыаҕа.
«Мин ниндзя-успуорду сыл анараа өттүгэр таптаабытым уонна билигин Саха сирин үрдүнэн маннык элеменнэри соҕотоҕун толоробун. Саха сиринн чиэһин көмүскүүр олус эппиэтинэстээх уонна долгутуулаах, ол гынан баран мин бэлэммин. Кэнники ыйдарга күүскэ бэлэмнэммитим, бу иннинэ скалодромҥа эрчиллибитим. Маннык улахан таһымнаах күрэхтэһиилэргэ кытта иликпин», — диэн Павел Пестряков кэпсээтэ.
Шоу уһуллуута Минеральные воды буолан ааспыта, онно 40 тыһыынча квадратнай миэтэрэ иэннээх сиргэ 112 миэтэрэ уһуннаах балаһаны туппуттар. «Суперниндзя» аан дойдутааҕы сезонугар Арассыыйаттан, Францияттан, Германияттан, Швейцарияттан, Австрияттан, АХШ, Мексикаттан, о.д.а. дойдулар атлеттара кыттыахтара.
+1
17
+1
1
+1
1
+1
+1
+1
1
+1
Сообщить об опечатке
Текст, который будет отправлен нашим редакторам: