Хаартыска: Ил Дархан уонна Бырабыыталыстыба пресс-сулууспата
Казань куоракка табыгастаах куорат эйгэтин оҥорууга бастыҥ бырайыактар X Бүтүн Арассыыйатааҕы куонкурустарын чэрчитинэн Уһук Илиҥҥи федеральнай уокурук субъектарыгар ыытыллыбыт IV куонкурус түмүгэ билиннэ.
Ил Дархан уонна Бырабыыталыстыба пресс-сулууспата иһитиннэрбитинэн, кыайыылаахтар ахсааннарыгар Саха сириттэн сэттэ бырайыак киирдэ. Ону олоххо киллэрэргэ 420 мөлүйүөн солкуобай көрүллүөҕэ. Бу туһунан Ил Дархан Айсен Николаев бэйэтин Tелеграм-ханаалыгар иһитиннэрдэ.
Кыайыылаах бырайыактар ахсааннарыгар киирдилэр: Тикси бөһүөлэгэ — «Эйэ болуоссата» бырайыак; Ленскэй куорат — “Ойуур” паарканы тупсарыы. II түһүмэх” бырайыак; Эдьигээн сэлиэнньэтэ — “Михаил Николаев аатынан паарканы тупсарыы” бырайыак; Чурапча нэһилиэгэ — «Куохара өрүс кытылын тупсарыы» бырайыак; Бороҕон нэһилиэгэ — «Лөгөй тойон аатынан киин болуоссат» бырайыак; — Уус Майа бөһүөлэгэ — «Алдан өрүс кытылын тупсарыы» бырайыак; Ытык-Күөл сэлиэнньэтэ — «Таатта киин болуоссатын тупсарыы. I түһүмэх» бырайыак.
“Хас биирдии бырайыак кумааҕыга эрэ киирбит былаан буолбатах. Саҥа паарка, болуоссат уонна толору хааччыллылаах куораттыы эйгэ сайдыыга хардыы буолар. Бу бырайыактарга бары кыахтарын уурбут дьоҥҥо махтанабын. Бырайыакка киирбит эбийиэктэр дьону-сэргэни бэйэлэригэр тарда турдуннар”, — диэн бэлиэтээтэ Айсен Николаев.
2019 сылтан 2024 сылга диэри куораттарга саҥа көстүүнү үөскэтэр уонна уопсастыбаннай сирдэри саҥардыыга туһуламмыт «Дьиэ-уот уонна куорат эйгэтэ» национальнай бырайыак «Куорат эйгэтин үөскэтии» федеральнай бырайыагын чэрчитинэн “Табыгастаах куорат” эйгэтин үөскэтиигэ бастыҥ бырайыактарга Бүтүн Арассыыйатааҕы күрэхтэһиилэр ыытыллыбыттара. Бырайыак 2025 сылтан Арассыыйа бэрэсидьиэнэ Владимир Путин көҕүлээһининэн ыытыллар «Олох инфраструктура» саҥа национальнай бырайыагын чэрчитинэн олоххо киирэр.
Сиһилии https://www.sakha.gov.ru/news/10339 сигэттэн билис.
Арассыыйа Силиэстийэлиир кэмитиэтин салайааччы Александр Бастрыкин Дьокуускай хаарбах дьиэлэргэ олохтоох дьонун үҥсүүлэринэн, кинилэр бырааптарын кэһии…
Бүгүн, алтынньы 13 күнүгэр, Хатас сэлиэнньэтигэр Охлопковтар дьиэ кэргэҥҥэ гаас холбонон, үөрүүлээх түгэн буолла. Бу…
Дьокуускайга полицейскайдар 5 саастаах оҕотун дьиэтигэр таһыттан хатаан баран барбыт ийэни эппиэтинэскэ тардыбыттарын туһунан ИДьМ…
Бүгүҥҥүттэн, ол эбэтэр алтынньы 13 күнүттэн, Дьокуускайдааҕы өрүс пуордуттан Аллараа Бэстээххэ диэри катерынан дьону таһыы…
Дьокуускайдааҕы гидро-метео ыстаансыйа управлениета Саха сирин өрүстэрин алтынньы 13 күнүнээҕи туруктарын туһунан иһитиннэрэр. Өрүстэр…
Дьокуускай полицейскайдара 44 тыһ. солк. кэриҥэ харчыны уорууга уорбаланар киһини туттулар. Полиция 1-кы №-дээх отделын…