Сэтинньи 1 күнүттэн дойду үрдүнэн ыҥырар хампаанньа саҕаламмыта. Саха сириттэн ыҥырыллыбыттар сулууспаларын бастайааннай олохсуйбут пууннарга Илиҥҥи байыаннай уокурук чаастарыгар ааһыахтара.
Сулууспалыы тиийбиттэри анал байыаннай эпэрээссийэ сиригэр-уотугар ыҥырыахтара суоҕа.Бу туһунан ыҥырар хампаанньа мунньаҕар, сэтинньи 8 күнүгэр, Саха сирин байыаннай хамыһаара Александр Авдонин иһитиннэрдэ.
«Өссө төгүл тоһоҕолоон бэлиэтиибин — Саха сириттэн призывник-срочниктар байыаннай дьайыы зонатыгар ыытыллыахтара суоҕа. Ону тэҥэ, саҥа ылыллыбыттар Арассыыйа Федерациятын субъектарынан буолар Донецкай уонна Луганскай норуодунай өрөспүүбүлүкэлэргэ, Запорожье уонна Херсон уобаластарыгар баар байыаннай чаастарга ыытыллыахтара суоҕа. Туһааннаах Арассыыйа Бэрэсидьиэнин уонна дойду оборуонаҕа миниистирин ураты ыйыылара, сорудахтара уокуруктар байыаннай хамаандалааччыларыгар, холбоһуктар уонна байыаннай чаастар хамандыырдарыгар бэрилиннилэр. Саха сирин олохтоохторо Уһук Илин федеральнай уокурук сиригэр-уотугар Илиҥҥи байыаннай уокурук холбоһуктарыгар уонна байыаннай чаастарыгар сулууспалыахтар«,— диэтэ Саха сирин военкома.
Быйыл күһүҥҥү ыҥырыы кылгас болдьоххо — икки эрэ ый — 2022 сыл сэтинньи 1 күнүттэн ахсынньы 31 күнүгэр диэри, үгэс курдук алтынньы 1 күнүттэн буолбакка.
Болдьоҕу кыччатыы алтынньы ыйга быстах хомууру ыытыыны кытта сибээстээх, хомуурга хапсыбыттары уонна срочниктары араарар туһугар.
Саха сирин Бырабыыталыстыбатын Бэрэссэдээтэлин солбуйааччы Ольга Балабкина үгэс буолбут ыҥырар хампаанньаны быстах хомууру кытта булкуйбаттарыгар эттэ. » Бу ыҥырыы үгэс буолбут күһүҥҥү ыҥырыынан буолар. Ыҥырар хамыыһыйаны Саха сирин Ил Дархана Айсен Николаев салайар. Туох да уларыйбата — ыҥырыы усулуобуйата уонна бэрээдэгэ уонна анал байыаннай эпэрээссийэҕэ кыттыыта суох сулууспаны сүгүү сүрүнүнэн буолар», — диэтэ Балабкина.
Санаттахха, байыаннай сулууспаҕа 18-тан 27 саастарыгар диэри Арассыыйа Федерациятын гражданнара, саппааска сылдьыбат уонна байыаннай сулууспаҕа «Буойун эбээһинэһин уонна байыаннай сулууспа туһунан» федеральнай сокуоҥҥа сөп түбэһээччилэр ыҥырыллаллар.
Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатын пресс-сулууспата
Ааҕыыттан дьиҥ дуоһуйууну бэлэхтиир сахалыы тыллаах саамай кырдьаҕас «Чолбон» сурунаал муус устардааҕы нүөмэригэр ааҕыҥ: -…
"Лена" суһал бөлөх ЫБММ Хабаровскайдааҕы авиационнай-быыһыыр киин бөртөлүөтүнэн Өлүөхүмэ улууһун Кыыллааҕар уонна 1-кы Нөөрүктээйитигэр нэһилиэнньэлээх…
Ыам ыйын 12 күнүгэр “Мин кыраайым – мин киэн туттуум” төрөөбүт дойду күндүтүн уонна кэрэтин,…
Саха сирин үс улууһун баһылыктара баҕа өттүлэринэн «Боотур» этэрээти кытары байыаннай дьайыыга кытта бардылар. Бу…
Бу соторутааҕыта Таатта Уолбатыттан чугас тыатааҕы сылдьарын туһунан суруйбуппут. Бэҕэһээ, ыам ыйын 13 күнүгэр, тыатааҕыны…
Өлүөнэ уонна Халыма өрүстэргэ муус устуутун онлайн кэтээн көрүөххэ сөп. Онно анаан уонтан тахса сиринэн…