Саха сириттэн сылдьар хирург уонна анестезиолог быраастар Докучаевскайга эпэрээссийэ оҥордулар

Саха сириттэн сылдьар хирург уонна анестезиолог-реаниматолог быраастар Докучаевскай куоракка  байыаннай дьайыы кыттыылаахтарыгар мэдиссиинэ көмөтүн оҥороллор.

Муус устар 30 күнүгэр икки улахан уонна алта кыра эпэрээссийэни оҥорбуттар. Билиҥҥи туругунан, мэдиссиинэ көмөтүн 19 байыаннай сулууспалаах туһанар. Бу туһунан брифинг кэмигэр СӨ доруобуйатын харыстабылын министиэристибэтин исписэлииһэ Милена Васильева иһитиннэрдэ.

«Байыаннай дьайыы саҕаланыаҕыттан Саха сирин дорубуйатын харыстабылын систиэмэтэ биир кэлим мэдиссиинэ көмөтүн оҥоро олорор. Бүгүҥҥү күҥҥэ көмө 3494 киһиэхэ оҥоһуллубут. Балартан 2 520 киһи амбулаторнай эмтэниини ааспыт, 974 киһи стационарга эмтэммит. Доруобуйаны чөлгө түһэрии өҥөтүнэн 351 байыаннай дьайыы кыттыылааҕа туһаммыт. Уйулҕа өттүнэн көмө 704 киһиэхэ оҥоһуллубут», — диэн бэлиэтээтэ кини.