Саха сириттэн «Титаны» реалити-шоуга икки спортсмен кыттыбыта билиннэ

Тохсунньу 26 күнүттэн ТНТ телеханаалга «Титаны» экстремальнай шоу иккис сезона саҕаламмыта. Бу реалити-шоуга Саха сириттэн Дьааҥы улууһун Баатаҕайыттан каскадер, ММА тириэньэрэ Валид Казанжины кытта Дьокуускай куораттан төрүттээх, мотогонка пилота  Анна Коротких кытыннылар.

Бастакы миэстэ иһин күрэхтэһиигэ 111 спортсмен кииристэ. Шоу кытааччылара икки бөлөххө арахсан оҥоһуу өй талбыт тургутуутун аастылар. Валид Казанжи — 54, оттон Анна — 23 нүөмэрдэринэн бастакы бөлөххө сайклинг успуорт көрүҥэр ситиһиилээхтик кииристилэр. Уопсай түмүгүнэн саамай кыра көрдөрүүлээх 10 спортсмен күрэхтэһииттэн туораатылар. Саха спортсмена Валид Казанжи 15 км көрдөрүүлээх тахсан, аныгыс биэрии күрэҕэр кыттар чиэскэ тигистэ. Оттон Анна Коротких төһө да долгуйбутун иһин, сорудаҕы эмиэ ситиһиилээхтик толордо — түмүгэр 15,2 км көрдөрүүлээх күрэхтэһии иккис түһүмэҕэр кыттар кыахтанна.

«Титаны» реалити-шоу кыайыылааҕа 10 мөл. солк. суумалаах бирииһинэн наҕараадаланыа. Шоу иккис сезона 12 таһаарыылаах хас өрөбүл ахсын тахсар.