Хаартыска СӨ Ил Дарханын уонна Бырабыыталыстыбатын саайтыттан.
Саха сиригэр баһаар сезонугар бэлэмнэнии салҕанар. Бүгүн өрөспүүбүлүкэтээҕи “Авиалесоохрана” тэрилтэ 9 үлэһитэ профессиональнай бэлэмнэниини бараллар. Кинилэр саас летчик-кэтээн көрөөччү идэтин баһылыахтара.
Летчик-кэтээн көрөөччү идэтэ аан дойдуга саамай сэдэҕинэн биллэр. Бүтүн Арассыыйаҕа 350 эрэ итинник исписэлиис баар. Ол иһигэр биһиги дойдубут инники күөҥҥэ сылдьар. Маннык исписээлинэскэ, штурман уонна ойуур хаһаайыстыбатын үлэһитин тэҥҥэ тутан үөрэтиини ойуур баһаардарын умуруорууга көдьүүһү үрдэтэргэ диэн тэрийбиттэрэ.
«Биһиэхэ Арассыыйаҕа эрэ маннык идэ баар. Атын дойдуларга сыаллааччы (наводчик) пилот быһыытынан туһаналлар. Холобур, Америкаҕа эбэтэр Канаадаҕа бастаан танкер-сөмөлүөт кэлэн ууну кутар, ол эрэ кэнниттэн парашютистардаах сөмөлүөт кэлэр. Онтон биһиэхэ летчик-кэтээн көрөөччүлэр көмөлөрүнэн, баһаар турбут сирин булаат, умулларбытынан барабыт.
Сүрүн бириинсип – бириэмэтигэр булуу, ыстаныы уонна умулларыы. “Авиалесоохрана” тэрилтэ онон ордуктаах», — диэн “Авиалесоохрана” ФБУ начаалыньыгын солбуйааччы Николай Ковалев эттэ.
Билиҥҥитэ Саха сиригэр 28 летчик-кэтээн көрөөччү баар. Онтон билигин үөрэнэ сылдьааччылар бүтэрдэхтэринэ 37 буолуохтара.
Өссө сыл анараа өттүгэр “Авиалесоохрана” тэрилтэ 9 үлэһитэ десантник-баһаарынай уонна парашютист-баһаарынай этилэр. Онтон быйыл саас кинилэр саҥа идэни ылыахтара. Кинилэр ойуур баһаардарын миэстэтигэр көтүөхтэрэ, баһаары умуруорар күүһү уонна сириэстибэни тириэрдиэхтэрэ, үөһэттэн баһаары умуруорууну салайыахтара, о.д.а.
Санатан эттэххэ, Ил Дархан Айсен Николаев сорудаҕынан паршютнай-десантнай баһаарынай сулууспа үлэһиттэрин ахсаанын 184 киһиэхэ диэри элбэппиттэрэ, ол түмүгэр бастайааннай 405, сезоҥҥа эбии 150 киһи үлэлиир буолла.
СӨ Ил Дарханын уонна Бырабыыталыстыбатын пресс-сулууспата
Дьокуускайга ыам ыйын 10 күнүгэр элбэх кыбартыыралаах дьиэ тохсус этээһиттэн түөрт саастаах уол оҕо сууллубута.…
СӨ экологияҕа министиэристибэтэ Дьааҥы улууһугар ойуур баһаардарыттан уустук балаһыанньа буолбутунан сибээстээн, булт сезонун тохтотор туһунан…
Өлүөнэ өрүс мууһун алын кирбиитэ Ленскэй куораттан 10 км аллараа устар, үрдүкү кирбиитэ Ленскэй оройуон…
Ааспыт сууккаҕа Саха сиригэр 11 буруйу оҥоруу бэлиэтэммитин туһунан СӨ Борокуратуурата иһитиннэрэр. 1986 с.т. эр…
Соторутатааҕыта социальнай ситимнэринэн икки этээстээх үүтээн видеота тарҕаммыта. Бултуу кэлбит эр киһи сөҕөн, "лүүстүрэлээх, бильярдтаах,…
Томпо улууһун Хаандыгатыгар киин уулусса устун куобах ойуоккалаабыт. Олохтоохтор түбэһэ көрөн видеоҕа устубуттарын, «Томпонский вестник»…