Хаартыска: "Россия -- страна возможностей"
Арассыыйа 88 эрэгийиэниттэн 3,5 тыһыынча киһи «Россия — страна возможностей» бэрэсидьиэн платформатын «Мастера гостеприимства» диэн сүрүн туристическай бырайыагын ыччакка хайысхатыгар кыттарга сайаапканы ыытта. Быйыл Саха сириттэн 9 киһи кыттар буолла.
Кинилэр дойду бастыҥ хампаанньаларыгар стажировканы барыахтара, эбэтэр, настаабынньыктарын кытта бырайыактыыр мастарыскыайга бэйэлэрин идиэйэлэрин туризм эйгэтигэр үлэлиир бырайыакка кубулутуохтара.
«Мастера гостеприимства» бырайыак «Үөрэҕирии» национальнай бырайыак «Социальные лифты для каждого» бырагрырааматын чэрчитинэн ыытыллар. Туризм салаатыгар көхтөөх, талааннаах, үгүс идиэйэлээх эдэр дьону, каадырдары көрдүүр, үөрэтэр сыаллаах.
2021 сылтан Саха сириттэн 15 киһи кыттыбыт эбит. Быйыл 9 киһи кыттара бу бырайыак сайдан иһэрин туоһулуур. Кинилэр өрөспүүбүлүкэҕэ туризм сайдарыгар төһүү күүс буолуохтара.
Ыччаттар бэйэлэрин идиэйэлэрин билиһиннэриэхтэрэ, олортон эспиэрдэр саамай интэриэһинэйдэрин талан ылыахтара. үс нэдиэлэ устата анал идэлээх эспиэрдэр ыччаттар бырайыактарын кытта үлэлэһэн, көмөлөһөн, олоххо киирэрин курдук ситэрэн-хоторон, сүбэлээн биэриэхтэрэ. Онон финалистар харчынан бириэмийэни сэргэ, эспиэрдэр көмөлөрүнэн, идиэйэлэрин олоххо киллэрэр кыахтаныахтара. Бу эдэр дьоҥҥо улахан көмө буолар.
Ил Дархан, бырабыыталыстыа дьаһалтатын пресс-сулууспата.
Емельян Ярославскай аатынан түмэлгэ Аан дойдутааҕы түмэл күнүгэр анаммыт ''Түмэл түүнэ'' тэрээһиҥҥэ элбэх интэриэһинэй экскурсиялар,…
Өрөспүүбүлүкэ сиригэр-уотугар халаан туругун ыам ыйын 18 күнүгэр ыксаллаах балаһыанньаны сэрэтиигэ уонна туоратыыга хамыыһыйа мунньаҕар…
Халаан уутуттан эмсэҕэлиир нэһилиэктэр ахсааннарыгар урут хаһан да киирбэтэх Хатырык нэһилиэгэ улахан ууга ылларан, олохтоохтору…
Ыам ыйын 17 күнүгэр Нам улууһугар «Библионочь-2024» Бүтүн Арассыыйатааҕы аахсыйа Арассыыйаҕа Дьиэ кэргэн сылын чэрчитинэн…
Бүгүн, ыам ыйын 18 күнүгэр, Аан дойду үрдүнэн Түмэл күнэ бэлиэтэнэр. Бу күнү көрсө Амматааҕы…
Эми-тому атыылаһан баран, аны хайдах иһэр туһунан ыйыыны-кэрдиини (инструкцияны) төһө билсэбитий? «Күҥҥэ үстэ биир табылыакканы…