Саха сириттэн Валерия Миронова “Звезда – 2025” норуоттар икки ардыларынааҕы вокальнай куонкуруска кыттар

2025 сыл муус устар 5 күнүгэр “Звезда” телеханаал Арассыыйа Федерациятын Оборуонаҕа министиэристибэтин өйөбүлүнэн “Звезда-2025” норуоттар икки ардыларынааҕы вокальнай куонкурус саҥа сезонун арыйар. Саха сирин Алдан оройуонуттан Валерия Миронова кыттар.

Муусука ураты бырайыагар Арассыыйа талааннаах вокалистара кыттыахтара.

Валерия Миронова Алдан оройуонун Аллараа Кураанах бөһүөлэгэр күн сирин көрбүтэ. Ырыа суруйар уонна алта сааһыттан вокалынан дьарыктанар. “Металлург” култуура киинигэр дьарыктаммыта, онтон искусство оскуолатыгар киирбитэ. Аскольд Муров аатынан Новосибирскайдааҕы кэллиэс эстрада-джаз отделениетыгар үөрэммитэ. Гнесиннэр ааттарынан Арассыыйа академиятын бүтэрбитэ.

“Звезда-2025” куонкурус – киэҥ хабааннаах муусука шоута эрэ буолбатах, бу патриотическай миссия.  Арассыыйа уонна БРИКС, СНГ дойдуларын култуура нөҥүө түмэр. Көрөөччүлэр 40 сөкүүндэ уһуннаах 89 презентациялыыр ролигы көрүөхтэрэ.

Эпиирдэр уонн акуоластааһын  процедуралара муус устар 5 күнүттэн хас нэдиэлэ аайы ыытыллыахтара. Жюри бэрэссэдээтэлэ – биллэр композитор, Арассыыйа норуодунай артыыһа Максим Исаакович Дунаевскай. зазвезду.рф киирэн көрүҥ.

Саха Өрөспүүбүлүкэтин Ил Дарханын уонна

Саха Өрөспүүбүлүкэтин Бырабыыталыстыбатын пресс-сулууспата