Сахагов саайтыттан
Саха сирэ көҕүлээбит стартап-эспэдииссийэтин бастакы финалыгар 10 бырайыак киирбит. Итинтэн үһэ – Саха сириттэн.
Ол курдук, Виктория Кейметинова уонна Ирина Соловьева “Балыксыт кыыһа”, Александра Тартыева “Антология ужасов Якутии” уонна Петр Павлов “Айтал уонна Аптаах күүс”.
“Аниматордарбыт төрөөбүт өрөспүүбүлүкэлэрин чиэстээхтик көмүскээтилэр. Анимация киинэтин бэстибээлэ “Уһук Илин уонна Арассыыйа Арктиката” Арктикатааҕы стартап-эспэдииссийэ бастакы трегинэн буолла”, — диэн Айсен Николаев бэлиэтээтэ.
Эспэдииссийэ – бу 18 эрэгийиэни хабар аҕыс хайысханан куонкурустар. Түмүктэр Хабаровскайга, Благовещенскайга, Биробиджаҥҥа, Мурманскайга, Дьокуускайга, Магадаҥҥа, Владивостокка, Красноярскайга ыытыллыахтара. Дьокуускайга сэтинньи 24 күнүгэр кэлэрэ күүтүллэр.
“Арктика эспэдииссийэтэ” Саха сирэ 2019 с. үлэлэппит Уһук Илиҥҥи стартап-эспэдииссийэтин салгыытынан буолар. Онно технологическай бырайыактарга болҕомтону туһаайбыттара.
Санаттахха, Саха сирэ ИТ эйгэтигэр өҥөнү оҥорууга Арассыыйа ТОП-10 эрэгийиэнин иһигэр киирэр. Саха киинэтэ эмиэ Арассыыйаҕа биһирэнэр.
Былырыын Саха сирэ Russian Creative Awards версиятынан бастыҥ креативнай эрэгийиэнинэн ааттаммыта. Маныаха Саха сирин “Креативнай эрэгийиэн” номинацияҕа креативнай индустрияны өйүүрүн иһин биэс бастыҥ иһигэр киллэрбиттэрэ.
Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатын пресс-сулууспата
Хаартыска: сахаговтан
"Биисинэс-Экспо" урбаанньыттар быыстапкалара 2010 сылтан ыла ыытыллар буоллаҕына, Вера Лиханова бу тэрээһиҥҥэ 2019 сылтан ыла…
Ньурба улууһун Хорула нэһилиэгин Е.К. Федоров аатынан орто оскуолатыгар 204 саастаах алтан чуораан баар. "2020…
Ахсынньы 14 күнүгэр Саха сирин Бырабыыталыстыбатын Бэрэссэдээтэлин бастакы солбуйааччы Дмитрий Садовников Горнайга Атамайдааҕы элбэх өҥөнү…
Сир үрдүгэр эҥин араас дьикти, дьиибэ элбэх. Икки атахтаах ону сэргиир, сэҥээрэр, сорох онтон дьиксинэр,…
РФ бырабыыталыстыбата резервнэй пуондаттан чэпчэтиилээх IT-ипотекаҕа 23,5 млрд солк. көрдө. Туһааннаах дьаһалга премьер-миниистир Михаил Мишустин…
Бу күннэргэ СӨ Тыатын хаһаайыстыбатын уонна аска-үөлгэ министиэристибэтин сыллааҕы үлэтин түмүктүүр тэрээһиннэр ыытылыннылар. “Үбүлээһин саҥа…