Александра Бронских хаартыскаҕа түһэриилэрэ.
Ульяновскай куоракка уус-уран гимнастикаҕа Арассыыйаҕа бастыыр иһин кулууптар ортолоругар күрэхтэһии аан маҥнайгытын буола турар. Бу күрэхтэһиигэ Дьокуускай куораттан үс кулууп: «Либерти», «Бриллианты Туймады» уонна «Сардаана» иитиллээччилэрэ кытта сылдьаллар. Манна 2010-2014 сылларга төрөөбүт кыргыттар бардылар.
Манна Арассыыйа 33 эрэгийиэниттэн барыта 1000-ттан тахса спортсмен күрэхтэһэр. Тэрийээччинэн аан дойду уонна Европа хас да төгүллээх чөмпүйүөнэ, биллэр гимнастка Ольга Капранова салайар кулууптарын Арассыыйатааҕы ассоциациялара буолар. Бу уус-уран гимнастиканан дьарыктанар оҕолорго сайдалларыгар, бэйэ-бэйэлэрин кытта билсэллэригэр, күрэхтэһэргэ уопутуралларыгар эбии кыаҕы биэриэҕэ.
Саха сириттэн сылдьар 20 гимнастка биирдиилээн турнирга уонна икки бөлөҕүнэн күрэхтэһиигэ хамаандаҕа кыттыыны ылыахтара. Маҥнайгы күннэргэ күрэхтэһии түмүгүнэн Далаана Антонова успуорт маастарыгар хандьыдаат нормативын толордо.
Ульяновскайга хамаандалары кулууп салайааччылара Александра Бронских, Светлана Павлова, Евгения Павлова уонна өрөспүүбүлүкэ уус-уран гимнастикаҕа федерациятын бэрэсидьиэнэ Людмила Валерьевна Николаева арыаллаан илдьэ сылдьаллар.
Ульяновскайга аан дойдуга аатырар, араас таһымнаах күрэхтэһиилэр чөмпүйүөннэрин иитэн таһаарбыт үтүөлээх тириэньэр Татьяна Грибкова спортивнай оскуолата үлэлиир. Бу оскуола «Татьяна-арена» диэн ааттаах уораҕайыгар билигин Саха Өрөспүүбүлүкэтин сүүмэрдэммит хамаандата үөрэнэр, дьарыктанар. Людмила Николаева хамаанда кыттыылаахтарын кытта көрүстэ, үөрэнэр, олорор, дьарыктанар усулуобуйаларын көрдө-иһиттэ. Людмила Валерьевна Татьяна Николаевна Грибкованы кытта салгыы үлэ, дьарык кэскилин торумнастылар, чугастааҕы соруктарын дьүүллэстилэр. Кыргыттар манна олорон эрэ таһымнарын үрдэтэллэр, сыыйа успуорт маастарын нормативын толоруохтаахтар. Бу барыта кинилэр салгыы кыахтарын сайыннаралларыгар, кэлин Санкт-Петербурдааҕы Лесгафт аатынан успуорт уонна физкултуура национальнай университетыгар Саха сириттэн тус соруктаах миэстэҕэ кииирэн тириэньэр дьупулуомун ылалларыгар бастакы төһүү, тирэх буолуоҕа.
Людмила Николаева: «Биһиги билигин улахан суолталаах түһүмэҕи ааһан эрэбит — сүүмэрдэммит хамаандабытын бэлэмниибит уонна спортсменнарбыт таһымнарын үрдэтэбит. Итиэннэ көмөлөөн кыргыттарбытын иитэн-такайан таһаарар Саха сирин уонна Ульяновскайдааҕы бииргэ үлэлэһэр партнердарбытын, уһуйааччыларбытын бары өттүнэн хааччыйа, өйүү сатыыбыт», — диэн эттэ.
Саха сирин элбэх спортсменнарын үөрэппит Алексей Агаповка дойду успуордун миниистирэ Михаил Дегтярев бирикээһинэн мас-рестлиҥҥэ Арассыыйа…
Дьокуускайга ыам ыйын 17 күнүгэр «Түмэллэргэ түүн» диэн аахсыйа ыытыллар. Быйыл аан бастакытын аахсыйа геология…
«Продолжительная и активная жизнь» саҥа национальнай бырайыак олоххо киириитин чэрчитинэн Саха сиригэр сыл саҕаланыытыттан «Гепатиты…
Социальнай ситимнэринэн Саха сирин олохтоохторо Орто Сурт бөһүөлэк аттыгар трассаҕа маҥан кырсаны бэлиэтии көрбүттэрин видеоҕа…
Саха сиригэр анал байыаннай дьайыы бэтэрээннэрэ уонна кинилэр дьиэ кэргэттэрин чилиэннэрэ мэдиссиинэ уонна психологическай бырагыраамалар…
СӨ Бырабыыталыстыбатын дьаһалыгар олоҕуран, Нам улууһугар сокуоннайа суох үлэни бохсор бөлөх тэриллибитэ. Бөлөх салайааччыта –…