Саха спорстмена ММА-лигатын NAIZA турнирыгар кыттыаҕа

Киин куоракка «Temple» успуорт кулуубун төрүттээччи, дзюдоҕа биллэр тириэньэр Гавриил Семенов ыам ыйын 3 күнүгэр Алматы куоракка Успуорт дабырыаһыгар Азияҕа аатырар ММА-лигатын NAIZA норуоттар икки ардыларынааҕы турнирга профессиональнай охсуһууга кыттыаҕа.

«Спорт Якутии» иһитиннэриитинэн, кини утарсааччытынан Кытай спортсмена буолуоҕа.
Санатан эттэххэ, «Ураанхай» кулууп байыаһа Гавриил Семенов 2024 сыл сэтинньитигэр Дьокуукскай куоракка ыытыллыбыт «Eagle FC 55» турнирга Узбекистантан утарылаһааччыны тэхиниичэскэй нокаутунан кыайбыта.

Санаттахха, Naiza Fighting Championship — Казахстан биир бөдөҥ тэрилтэлэриттэн биирдэстэрэ.
Оттон турнир сүрүн киирсиитинэн Арассыыйа олохтооҕо Хусейн Адамов уонна казахстанец Ерлан Шакишев икки ардыларыгар ыарахан ыйааһыҥҥа лига титулун туһугар ыытыллыаҕа.