Саха спортсмена Александр Андреев Арассыыйа чөмпүйэнээтигэр кыттыаҕа

Саха сирин греко-римскэй тустууга сүүмэрдэммит хамаандатын лидерэ Александр Андреев Арассыыйа чөмпүйэнээтигэр кыттарга бэлэмнэнэр.

Күрэхтэһии бэс ыйын 5-7 күннэригэр Омскайга ыытыллар. Ол туһунан «Триумф» пресс-сулууспатыгар иһитиннэрдилэр.

Андреев Москва хамаандатын састаабыгар киирсиэҕэ. Кини 63 киилэҕэ диэри ыйааһыҥҥа кыттар. Бу ыйааһыҥҥа лидеринэн Олимпийскай оонньуулар боруонса призера, аан дойду чөмпүйүөнэ Мордовияттан Сергей Емелин буолар. Буолаары турар чөмпүйэнээт спортсмеҥҥа биир улахан түһүмэҕинэн буолар.

Санаттахха, спортсмен Арассыыйа юниордарын первенствотын икки төгүллээх кыайыылаҕынан буолбута. Бастакы киирсиилэр бэс ыйын 5 күнүгэр ыытыллыахтара. Финал бэс ыйын 6 күнүгэр буолуоҕа.