Хаартыска: «Триумф» успуорт уораҕайа
Нальчик куоракка мас тардыһыыга Арассыыйа первенствота түмүктэннэ. Турнир түмүгүнэн Саха сирин сүүмэрдэммит хамаандата алталыы кыһыл көмүс, үрүҥ көмүс уонна боруонса мэтээллэргэ тигистэ.
Барыта 18 мэтээлинэн наҕараадаланна. Бу туһунан Өрөспүүбүлүкэтээҕи успуорка хамаандалары бэлэмниир киин пресс-сулууспата иһитиннэрдэ. Кыайыыны ситиһиинэн 60 киилэҕэ диэри ыйааһыҥҥа эдэрдэргэ аан дойду икки төгүллээх чөмпүйүөнэ Айаал Гуляев саҕалаабыт. Финалга кини биир дойдулааҕын Ян Михайловы кыайбыт.
Кыһыл көмүс мэтээллэри кинини кытта ыллылар: Егор Слепцов (70 кг), Владислав Софронов (105 кг), Денис Федоров Денис Федоров (105+ кг), Элеонора Антонова (80 кг) уонна Валерия Никифорова (80+ кг).
Иккис миэстэҕэ тигистилэр Рустам Карпов (80 кг), Владислав Корякин (90 кг), Тиит Тотонов (105 кг), Айаана Константинова (50 кг), Инесса Адамова (60 кг).
Бороуонса мэтээллэри Петр Ильин (70 кг), Андрей Ширяев (80 кг), Рустам Атласов (90 кг), Ньургуйаана Николаева (50 кг), Жанна Алексеева (60 кг) уонна Саяна Спиридонова (70 кг) ыллылар.
Бэлиэтээн эттэххэ, Айсен Молуков салалтатынан 19 спортсмен кыттыбыт. Төһө да күүстээх киирсии буолбутун үрдүнэн хамаанда 18 мэтээлгэ тигистэ.
Бүгүн, ахсынньы 22 күнүгэр, 05:38 чааска Биир кэлим дьуһуурунай-диспетчер ситимигэр эрийэн, Булуҥ улууһун Быковскай бөһүөлэгэр …
Дойду Бэрэсидьиэнэ Владимир Путин сылы түмүктүүр быһа эпиирэ буолан ааста, олох бары салаата хабылынна. Бүтүн…
Ил Дархан Айсен Николаев Арассыыйа Бэрэсидьиэнэ Владимир Путин пресс-кэмпириэнсийэтигэр Саха сирин суруналыыстарын кыттыытын туһунан санаатын…
Быһылаан Дьокуускайга ахсынньы 20 күнүгэр сарсыарда эрдэ буолбут. Эрдэҕэс саастаах оҕолор икки билбэт киһилэрин кырбаабыттар.…
2025 сыл бүтэһик нэдиэлэтэ икки эрэ үлэ күннээх, ол кэнниттэн Арассыыйа олохтоохторун саҥа дьыллааҕы сынньалаҥ…
Саҥа дьылга бэлэмнэнэн сотору Саха сирин олохтоохторо мандарины атыылаһыахтара. Мандарины атыылаһаргытыгар сирийэн көрүҥ. Өскөтүн мандарин…