Хаартыска: СИА
Люберцы куоракка эр дьоҥҥо уонна дьахталларга мас-рестлиҥҥа Арссыыйа чөмпүйнээтигэр 150-ча спортсмен 25 эрэгийиэнтэн кытынна.
Иккис күрэхтэһии күнүн түмүгүнэн алта саха спортсмена кыһыл көмүс мэтээлгэ тигистэ. Бу иннинэ түөрт кыһыл көмүс мэтээлгэ өссө эбии үрдүк наҕараадалары ыланнар, саха спортсменнара Монголияҕа Аан дойду чөмпүйэнээтигэр киирсэр кыахтаннылар.
60 кг диэри ыйааһыҥҥа Мэҥэ Хаҥалас улууһуттан Артур Жирков Таатта улууһуттан Владимир Баишевы кыайан, карьератыгар иккис төгүлүн Арассыыйа чөмпүйүөнүнэн буолла. Эмиэ бу ыйааһыҥҥа Санкт Петербург куорат чиэһин көмүскүүр саха спортсмена Виталий Заровняев боруонса мэтээли ылла. Арассыыйа чөмпүйэнээтигэр Сунтаар улууһуттан Артем Зорин (65 кг) кыһыл көмүс мэтээлгэ тигистэ. Салгыы кини аан дойду чөмпүйэнээтигэр кытта барыаҕа. Финалга Зорин 2:0 ахсаанынан Уус Алдан улууһуттан Семен Заболоцкайы кыайда.
Айсен Мигалкин (70 кг) Бороҕон сэлиэнньэтиттэн эмиэ бастакытын дойду чөмпүйүөнүнэн буолла. Бүтэһик хапсыһыыга Ямало-Ненецкэй уокуруктан Эдайхасов Климовы 2:0 ахсаанынан хотто.
Иккис сылын Амма улууһуттан Василий Захаров (75 кг) хотторуу диэни билбэтэ. Финалга Үөһээ Бүлүү улууһун спортсменын Иван Шологонову кыайда.
Оттон 80 кг диэри ыйааһыҥҥа Мэҥэ Хаҥалас улууһуттан Егор Свинобоев кыһыл көмүс мэтээли ылла, Айсен Атастыров (Хотугу Осетия — Алания)- үрүҥ көмүһү, Валентин Иванов уонна Егор Лукин (Санкт-Петербургтан) — боруонса мэтээли ылла.
Дьахталларга икки ыйааһыҥҥа Саха сирин сүүмэрдэммит хамаандата үрдүк наҕараадаларга тигистэ. 55 киилэҕэ диэри ыйааһыннаахтарга Сабрина Абрамова Москваттан Дарья Салтыковаҕа (1:2) хоттордо, Хаҥалас улууһуттан Валентина Суханова боруонса мэтээлгэ тигистэ.
65 киилэҕэ диэри ыйааһыҥҥа Чурапчы улууһуттан Светлана Молукова аан дойду икки төгүллээх чөмпүйүөнүн Мария Федоренконы кыайда.
Ол курдук, Саха сирин сүүмэрдэммит хамаандата Монголияҕа аан дойду чөмпүйэнээтигэр кыттарга 14 путевканы ылары ситистэ.
Саҥа дьыллааҕы бырааһынньыктары көрсө Судаарыстыбаннай Дуума дьокутаата Олег Леонов ТАСС-ка биэрбит кэпсэтиитигэр пиротехниканы куттала суох…
ИДьМ сулууспатын Ньурба улууһун отделын дьуһуурунай чааһыгар олохтоох киһи суотабай төлөпүөнүн уорбуттарын туһунан сайабылыанньа суруйбут.…
Дьокуускай куорат борокуратуурата сэдэх (орфаннай) ыарыынан ыалдьар инбэлиит быраабын көмүскээн, үрдүк сыаналаах эминэн хааччылларын ситистэ.…
Байыаннай дьайыы бэтэрээнин Пеледуй бөһүөлэк орто оскуолатыгар тэриллибит Москва анныгар фашистскай халабырдьыттары утары кыргыһыы 84…
Саҥа Дьыл чугаһаабытынан Саха сирин олохтоохторо дьиэлэригэр, «утренниктарга» уонна тэрилтэлэрин киэһэлэригэр Тымныы Оҕонньору уонна Хаарчаананы…
Ил Дархан 2025 сыл түмүктэрин таһаарыаҕа уонна өрөспүүбүлүкэ сайдыытын кэскилин торумнуоҕа. Ахсынньы 23 күнүгэр, Дьокуускай…