Саха спортсменнара Минскэйгэ норуоттар икки ардыларынааҕы турнирга боруонса мэтээллэринэн наҕараадаланнылар

Эр дьон уонна дьахталлар ортолоругар Александр Медведь аатынан көҥүл тустууга норуоттар икки ардыларынааҕы турнирга Лилиана Рожина уонна Георгий Окороков кыайыылааҕынан таҕыстылар.

Ол туһунан Өрөспүүбүлүкэтээҕи успуорка сүүмэрдэммит хамаандалары бэлэмнээһин киинигэр иһитиннэрдилэр. Сахабыт сирин сүүмэрдэммит хамаандатын спортсмена Лилиана Рожина дьоҕус финалга 11:08 ахсаанынан 68 кг ыйааһыҥҥа кыайыылаах таҕыста. Өссө биир саха спортсмена, аан дойду таһымыгар Австралия бэрэстэбиитэлэ Георгий Окороков 2:1 ахсаанынан 61 кг ыйааһыҥҥа боруонса мэтээли ылла.

Бүгүн, олунньу 15 күнүгэр, киэһэ 17:00 чаастан олохтоох бириэмэнэн түмүктүүр финаллар киирсиилэрэ саҕаланар. 57 кг ыйааһыҥҥа кыһыл көмүс мэтээл иһин Беларусь Өрөспүүбүлүкэтин сүүмэрдэммит хамаандатыттан саха спорстмена Арыйаан Тютрин тустуоҕа. Кини утары көбүөргэ Муса Мехтиханов тахсар.