Саха спортсменнара оҕунан ытыыга кыһыл, үрүҥ көмүс уонна боруонса мэтээллэри ыллылар

Саха сирин спортсменнара Орел куоракка оҕунан ытыыга Арассыыйа первенствотыгар кыһыл, үрүҥ көмүс уонна боруонса мэтээллэри ыллылар.

Оҕунан ытыы Федерациятыгар иһитиннэрбиттэринэн, Саха сирэ маннык биллэр аатырбыт күрэхтэһиигэ бастакы миэстэҕэ 2014 сыллаахха биирдэ тиксибитэ.

21-гэр диэри саастаах спортсменнар ортолоругар Забайкальскай кыраай бэрэстэбиитэлин кыайан, Бэрдьигэстээх спортсмена Алексей Зыков кыайыылаах таҕыста. Ону тэҥэ успуорт маастарын нуорматын толордо.

Үрүҥ көмүс уонна боруонса мэтээли 18-гар диэри саастаах спортсменнар ортолоругар Хаҥалас спортсмена Андрей Архипов тус бэйэтэ уонна хамаанданан түмүккэ ылла.

«Чөмпүйүөн тус тириэньэрдэрин Валентина Соркомованы уонна Филипп Соловьеву Арассыыйа первенствотыгар кыайыыларынан эҕэрдэлиибит. Арассыыйаҕа бүтэһик төгүлүн ыччат ортотугар 2014 сыллаахха Асим Павлов кыттыбыта. Ол кэннэ, 11 сыл буолан баран, биһиги эмиэ көмүс мэтээли ыллыбыт. Күрэхтэһии сүрүн тириэньэрдэрин Михаил Алексеевы уонна Павел Алексеевы, ону тэҥэ Хаҥалас улууһун тириэньэрдэр биригээдэтин эҕэрдэлиибит», — диэн Федерацияҕа бэлиэтээтилэр.